SERCHHIP-AH “CHAPCHAR KUT 2015” LAWM DAN TUR REL


Serchhip, 18th February, 2015: Vawiin chawhma dar 11:00 khan Serchhip DC’s Meeting Room-ah March ni 6, 2015 a Chapchar Kut hman dan tur District Bawrhsap Pi Juhi Mukherjee, IAS hovin Sawrkar Pisa hrang hrang aiawhte leh Tlawmngai pawl aiawhte’n an rel.

Chapchar Kut hi Leisekawt Field-ah hman tur a ni a, a hmanna senso atan hian Art&Culture Department atangin Rs. Nuaih 1 hmuh beisei a ni. “Kut Pa” atan Pu Lalhmangaiha Chawngthu, Serchhip AOC Veng ami hman a ni ang a, “Kut Thlengtu” atan President, Sub-Headquarters YMA, Serchhip ruat a ni. Chapchar Kut hman dan tur programme kimchang lo duang turin Sub-Headquarters YMA, Serchhip hnuaia Cultural Sub-Committee chu ruat an ni a, Chapchar Kut hmanna tur sum pawh a zavaiin an kutah hlan a ni ang a, an ruahmanna siamte chu March ni 3, 2015 ah Bawrhsap hova thlirnawn a ni ang. Local Administration Department in Chapchar Kut hmanna hmun Leisekawt Field tifaiin, bawlhhlawh bawm an hung ang a, Fire & Emergency Services Department in field khu lutuk tur tihziaawm nan tui in an phuh huh bawk ang. Vawiin thukhawm chuan Chapchar Kut chhim turin mi zawng zawng a sawm a, a thei apiang mizo hnam incheina a inthuam turin a ngen bawk a ni.

Source: DIPR, Serchhip