SERCHHIP-A HORTICULTURE DEPARTMENT “CENTRE OF EXCELLENCE” THUTHAR LAKHAWMTU TEN AN TLAWH.


Serchhip, 17th December, 2014: District Horticulture Officer, Serchhip hmalakna in nimin khan Serchhip-a thuthar thehdarhtu (MJA) ten Serchhip DIPRO PU Andrew H. Lalremruata, MIS hovin Serchhip-III Lengte rama Rs. nuaih 500 senga din Centre of Excellence an tlawh.

Pu Lalhmangaiha. DHO, Serchhip leh Pu Bhirdan, ADHO ten tualchhung chanchinbu mi te hi lo dawngsawngin an hmalak dan leh ruahmanna hmachhawp chi hrang hrang te an lo hrilhfiah a, Centre of Excellence hi Sawrkar Laipui a Ministry of Agriculture hnuaiah Horticulture Department chuan Rs. nuaih 500 sengin kum 2012 atang khan hma an la a, tunah hian Centre of Excellence hnuaiah hian beneficiary farmers 60 enkawl niin tanpuina tangfai leh hmanrua, thlai chi te Rs. 3,60,000/- man hu an dawng tawh a, tunah hian Rs. 15,000/- dawn tur hmabak la awmin an hnathawh dan endik anih hnu ah semchhuah leh tur a ni ang. Centre of Excellnece hi hectare 2 a zau a ni a, Farmers’ Training Hall, Choka, riahbuk 3, Tuizem lian litre nuaih khat dawng leh litre sing nga dawng pakhat ve ve, tuikhuah pahnih bakah Green House pariat a awm a, tui hi beneficiary ten an hman tawm bakah nursery a root stock leh thlai chi an siam te chu beneficiary te hnenah an sem thin a ni.

Pu Lalhmangaiha, DHO, Serchhip chuan Centre of Excellence in a tum ber chu tualchhung loneitu leh kuthnathawktu te training tha tak pek leh planting materials quality tha thei ang ber pek an nih theih nana hmalak anih thu a sawi a, nikuma thlipui tlehin Greenhouse pariat lai a tihchhiat sak avanga hasatna an ntawh thu te, tunah chuan siamthat leh an ni tawh bakah a thar pathum sak mek anih thu te a sawi a, tualchhung chanchinbu mi ten an hnathawh mit ngei a an hmuh pui chu lawmawm a tih thu a sawi bawk a ni.

Source: DIPR, Serchhip