NORTH VANLAIPHAIAH ANIMAL HEALTH CAMP NEIH A NI


Serchhip, 17th November, 2015: Vawiin khan Pi Lalawmpuii Chawngthu, MLA in Hrangturzo Assembly Constituency chhunga Model Village atana a thlan North Vanlaiphai-ah AH & Vety Department, Serchhip District hmalaknain ran vulhtu te tan Awareness Campaign cum Animal Health Camp neih a ni.

Awareness Campaign hi Dr, Lalnghinglova, DVO Serchhip-in kaihruaiin, Dr. Biaklianzuali, Veterinary Officer leh Dr. Rosangzuala, Veterinary Officer ten ranvulh dan chungchanga thil pawimawh hrang hrangte zirtirna an pe a, chawhnu lamah Free Animal Health Camp nei chhunzawmin, ran vulhtu thahnem takin an rante entirin, ran zai ngaite pawh thahnem tan an zai a. Ui a hri danna pawh pek nghal a ni bawk.

He hun hi North Vanlaiphai leh a chhehvel khaw mipui ten an chhawr tangkaiin an hlawkpui hle a ni.

Source: DIPR, Serchhip