SERCHHIP DISTRICT CHHUNGA ASSEMBLY CONSTITUENCY PAHNIH A POLLING STATION PANGA SIAM REM A NI


Serchhip, 17th September, 2014: Nimin chawhma dar 11:00 khan Serchhip DC Meeting Room-ah Polling Station siam rem leh Electoral Roll Revision bakah thil tul dang te ngaihtuahin District-Level Standing Committee an thukhawm a, District chhunga ERO leh AERO te bakah Political Party hrang hrang aiawhte, thuthar lakhawmtute an tel.

Vawiin thutkhawm kaihruaitu Pu VL Remliana, MCS., Addl. DC chuan Electoral Roll Revision neih anih leh dawn hnaih bakah Election Commission of India in thil a duh khirh telh telhin kalphung thar a siamchhuah reng avangin kum hmasa lama kan tihdan alawm tih ringawt hi innghah nan hman chi a ni lo tih hriatpui turin Political Party leh tlawmngai pawl hruaitute a ngen a, ECI dan leh hrai siam anga kalpui zel a ngaih dawn thu leh thil hriatchian loh a awm chuan hmundanga tawngchhuah hma a thil awmzia thuneitute zawhfiah hmasak phawt zel a finthlak zawka a hriat thu a sawi bawk.

Standing Committee hian 26-Serchhip Assembly Constituency ah Polling Station pakhat leh 28-Hrangturzo Assembly Constituency a Polling Station panga siam rem rawtna lo lut chu ngaihtuahin 28/3 Biate-I Polling Station tih loh chu rawtna anga siam rem a remti a, thuneitute pawmpui tura a rang lama thawn a ni ang. Biate-I Polling Station pawh bialtu ERO leh AERO ten a rang thei ang bera lo endik turin leh an rawtna thar nen thuneitute hnen thlen vat tura rel a ni bawk.

Polling Station siamrem tak 5 te chu hengte hi an ni :
 

Assembly Constituency Locality of existing polling station Old polling station New polling station Polling area Total no. of voters
26-Serchhip (ST) 26/3 Thenzawl-III Govt. Centenary M/S BNRGSK Building Vengthlang, Venghlun, Soil Veng 1127
28-Hrangturzo(ST) 28/12 East Lungdar - III YMA Library Govt. M/S-II Venghlun, Saron Veng 701
28-Hrangturzo(ST) 28/17 Mualcheng Govt. P/S Govt. M/S Mualcheng 921
28-Hrangturzo(ST) 28/18 Leng Govt. P/S Govt. M/S Leng 528
28-Hrangturzo(ST) 28/19 Lungchhuan Govt. P/S Govt. M/S Lungchhuan 438


Election Officer Pu Lalhmansanga, MCS in Electoral Roll revision nei tura an inpuahchah dan chi hrang hrangte sawiin Political Party te chu Hearing neih hunah an party aiawh Booth Level Agent lo ruatfel vek turin a ngen nghal bawk a ni.

Source: DIPR, Serchhip