BAKTAWNG-AH FREE ANIMAL HEALTH CAMP BUATSAIH


Serchhip, 17th February, 2016 : Vawiin khan AH&Vety Department, Serchhip District buatsaihin Multipurpose Hall, Baktawng-ah Awareness Campaign – cum - Animal Health Camp buatsaih a ni a, he hun hi Aizawl West-III Assembly Constituency bialtu MLA Pu Vanlalzawma'n MLA Model Village atana Baktawng khua a thlan denchhena AH&Vety. Department hmalakna a ni.

Awareness Campaign – cum - Animal Health Camp hi hun hnih ah then niin chawhma lamah ran enkawl dan chungchang inzirtirna hun (awareness campaign) hman a ni a; he hun hi Dr. Lalnghinglova, DVO, Serchhip District chuan kaihruaiin Baktawng leh Baktawng Tlangnuam Village Council President te'n than sawi a, Dr. Biaklianzuali, V.O., Chhingchhip in Vawk leh Kel vulh leh enkawl dan zirtirna a pe a, Dr. Lalsanglien Ralsun, V.O., Serchhip hnen atangin Bawng leh Ar vulh dan tur dik zirtirna ngaihthlak niin hriatthiamloh inzawhfiahna hun hman a ni bawk. Khawtlang mipuiin he hun hi an hlut hle a, Khawtlang hruaitute pawhin AH&Vety Department, Serchhip District-in hetiang hun a buatsaihsak hi an lawmthu an sawi a ni.

Chawhnu lamah a thlawna ran entirna hun buatsaih niin ran damdawi leh ran enkawl dan zirtirna bu a thlawnin sem a ni a, ran vulhte ran hridanna a chiu (mass vaccination) beihpui thlak nghal a ni bawk.

Awareness Campaign – cum - Animal Health Camp hi naktip February ni 19, 2016 hian Aizawl West-II Assembly Constituency bialtu MLA Pu Lalruatkima'n MLA Model Village atana a thlan Khumtung-ah neih chhunzawm a ni ang.

Source: DIPR, Serchhip