SAGY HNUAIAH CHHIAHTLANG ELEMENTARY TEACHER TE POWERPOINT HMAN DAN ZIRTIR


Serchhip, 16th September, 2015 : Sansaad Adarsh Gram Yojana (SAGY) hnuaia Rajya Sabha MP Pu Ronald Sapa Tlau-in model village atana siam tura a thlan Chhiahtlang khaw Village Development Plan tihhlawhtlinna pakhat atan Chhiahtlang-a Elementary School (Primary leh Middle School) zirtirtute pual nihnih awh “Powerpoint hman dan inzirtirna” chu nimin leh vawiin khan DIET Computer Centre, Serchhip ah neih a ni.

Pu Lalrammawia, Principal, DIET, Serchhip chuan Lok Sabha MP, Pu CL Rualan Model Village a siam tura a thlan Khawlailung khua a Elementary teacher te tan pawh hetiang training hi kar hmasa khan buatsaih a lo nih tawh thu leh hei bakah hian Computer Literacy Mission hnuaiah ruahmanna siam belh zel anih tur thu a sawi.

Vawiina zirtirtu Training tura kal te hi Chhiahtlanga Primary School 4 leh Middle School 2 a thawktu zirtirtu 18 an ni a, Pu R. Lalrinawma, Lecturer, DIET in zirtirna hi a pe a ni.

Source: DIPR, Serchhip