SERCHHIP DC OFFICE IN “ZAMZO AWARD 2012” DAWNG


Serchhip: 16th May, 2012: Vawiin chawhma dar 11 khan Serchhi D.C. Conference hall-ah District Bawrhsap Pu P.Lalchhuanga hovin Head of Department te leh Serchhip District Anti-Tobacco Squad member ten vaihlo khuahkhirhna dan COTPA, 2003 an zir ho a, hetih rual hian Serchhip District chhunga puipunna hmun vaihlo khu laka fihlim ber lawmman “Zamzo Award-2012” chu Deputy Commissioner Office hnenah hlan ani nghal bawk.

Vawiin a inkhawm hmanpuitu District Bawrhsap chuan vaihlo leh a kaihhnawih do chungchanga District Level task Force leh Anti-Tobacco Squad te hmalakna chak tak avanga hmasawnna hmuh theiha a awm chu lawm awm a tih thu sawiin cancer vei tamna ber District kan nihna pawh hi reilote ah kan ti reh theiin ka ring tlal a ni a ti a, Bible in mahni taksa vawng thianghlim tura min tih laiin kan taksa tana tha tur eitur tuihnai leh hrisel ei tam lova, kan chhiatpui tur vaihlo leh a kaihhnawih laka kan insum duhlo hi a pawi a tih thu a sawi bawk.

Bawrhsap chuan kan pi leh pute vaihlo zial zu kha dem ngawt theih an nih loh thu sawiin an chak vang renga zu an nilo a, vaihlo in mihring taksa a tihchhiat theih dan zirtirtu an neih loh bak ah ram hnathawk an nih vangin those laka in ven nan veihlo zial kha an hmang thin a, tun dinhmunah chuan kan taksa tana a thatloh zia kan hre vek tawh a, those hlo chi hrang hrang a awm bawk a, chuvang chuan chhuanlam dang siam a inhmeh tawh loh avangin kan insum a hun tawh takzet a ni a ti a, District Office a hotute chuan hei hi ngaipawimawh a midangte vaihlo laka fihlim tura zirtir turin leh anmahni ngei pawh entawn tlaka in vawng fihlim turin a chah bawk a ni.

Pi Vanlalzari, District Co-Ordinator , Mizoram State Tobacco Control Society-in COTPA 2003 hnuaia vaihlo leh a kaihhnawih chungchanga Sawrkar Laipuiin dan a siam te zirtirna hun pe in Serchhip District chhunga puipunna hmun vaihlo khu laka fihlim ber hnenah “Zamzo Award-2012” hlanna hun a buatsaih nghal a, heta lawmman dawngtute chu:

Pakhatna - Office of the Deputy Commissioner
Pahnihna - Office of the District Transport Officer
Pathumna - (a) Mizoram Rural Bank, New Serchhip Branch
                     (b) Office of the Superintendent of Excise & Narcotic
                     (c) Office of the Land revenue & Settlement



Source: DIPR, Serchhip