BAWRHSAPIN LO HAL HUN HRIATTIRNA TICHHUAK


Dated Serchhip, the 16th March, 2017: Serchhip Bawrhsap Dr. Lalrozama, IAS chuan a hnuai a mi ang hian Serchhip District chhunga khua zawng zawngte zawm turin kumin, 2017 atana lo hal hun a chhuah.

The Mizoram (Prevention and Control of Fire in the Village Ram ) Rules 2001 chuan thing leh mau ti chereu zawnga ram ngaw leh huan lo ram hal a khap tlat a, mihring nunna leh bungrua tiderthawng zawng leh vantlang pawisawi zawnga thil eng pawh halte, mei chhem leh mei timit lova kalsan a khap tlat a ni. Mi tupawh in huan lo ram atana neih tuma eng pawh hal ral a duh chuan hmun dang kang kai lo turin a hal tur a ni.

A chunga Dan-in a sawi hi zawm vek tum turin mipuite kan in hriattir a. A chunga Dan tlawhchhan-in a phut ang zawm chungin Serchhip District chhunga lo/huan/leipui hal turte chuan March Ni 31,2017 aia tlai lovah hal vek tur a ni a. Mi tumahin meilam tha tawk sial hmasa lo chuan lo/ huan/leipui an hal tur a ni lo.

Serchhip District chhunga Village Council tin te an mahni ram chhung theuhvah he thupek hi lo kengkawha mipui te hnena puangzar tura hriattir an ni.

He thupek zawm lo te chu The Mizoram(Prevention & Control of Fire in the Village Ram) Rules 2001, Rule 8 in a sawi angin an chungah hremna lekkawh a ni ang.

Source: DIPR, Serchhip