EAST LUNGDARAH INDIA INDEPENDENCE DAY VAWI 68-NA LAWM A NI


Serchhip,15th August, 2014: Ramchhung hmun dang ang bawkin tukin dar 7:00 khan Bazar Kawn, East Lungdar ah Independence Day vawi 68-na lawm a ni a, East Lungdar BDO Pi C. Laltleipuii, MCS, in India hnam puanzar pawtpharhin chibai a buk a, East Lungdar khaw china zirlai naupangte, Sawrkar hnathawk leh khawtlang hruaitute bakah khawtlang mipui thahnemtakin he hun hi an hmang a ni.

Independence Day thuchah sawitu Pi C.Laltleipuii chuan India ramin zalenna a neih theihna tura sulsutu leh nun hial hlantu mihuaisen te thawhrah avanga Independence Day kan lawm thei hi a ropui ani a ti a, east Lungdar RD Block huam chhunga Sawrkar Department hrang hrang hnathawhte sawilangin, thahnemngai leh theihtawp chhuaha an thawhna ah lawmthu a sawi a, democracy lungphum tung nung zui zel turin mipuite a chah bawk a ni.

Bazar Kawna hun hman zawh anih hnu chhun dar 12:30 khan East Lungdar khelmualah Independence day Celebration Committee leh Rural development department a thawk ten Football Friendly Match an khel a, hemi hnu hian Independence Day Football Tournament Final khelh chhunzawm nghal niin Seni FC leh Chummy FC ten Final hi an khel a ni.
 


Picture: Chief Guest - Pi C. Laltleipuii (MCS), BDO, East Lungdar 

 


Picture: Independence Day speech from the Chief Guest - Pi C. Laltleipuii (MCS), BDO, East Lungdar 



Source: DIPR, Serchhip