SERCHHIP-AH ELECTORAL ROLL THAR TLANGZARH A NI


Serchhip, 15th January, 2016 : Vawiin chawhma dar 10:30 khan Serchhip District Election Officer, District Bawrhsap ni bawk Dr. Lalrozama, IAS hovin a pisa-ah Serchhip District chhunga Assembly Constituency pathum (Serchhip, Tuikum leh Hrangturzo) a hman tur Electoral Roll siam thar chu tlangzarh a ni a, He hunah hian Recognised Political Party aiawh te, Chanchinbu mi te, Tlawmngai Pawl sawm bik leh Official pawimawhte an kal khawm a ni.

Tun tum Special Summary Revision of Electoral Rolls ah hian January ni 1, 2016 chu qualifying date ah hman niin he ni a kum 18 tling chin India khua leh tui ni bawk te telh an ni a, Electoral Roll tarchhuah tharah hian Serchhip District ah General Electors 46,850 awmin Roll hmasa nena khaikhin in Electors 1017 (2.22%) in an pung a ni.

District Election Officer chuan Electoral Roll Special Summary Revision a hun taka peihfel ani chu lawmawm a tih thu sawiin Election Officer Pu Lalhmansanga, MCS leh a thawhpuite chungah a lawm thu a sawi a, ERO, AERO leh BLO te thahnemngaihna ah lawmthu a sawi bawk a ni.

Serchhip District chhunga Assembly Constituency pathuma Electoral Roll dinhmun thar ber chu a tlangpuiin hetiang hi a ni:

(26) SERCHHIP CONSTITUENCY ah Polling Station 23 awmin General Electors 16,812 (mipa-8065, hmeichhia-8747) leh Service Electors 177 (mipa-136, hmeichhia-41), an vaiin Voters 16,989 an awm.

Serchhip Constituency ah hian Electoral Roll hmasa a tello Voters 661 (Mipa-289, Hmeichhia-372) telh thar niin Voters 235 (Mipa – 127, Hmeichhia-108) paih an ni thung a, Electoral Roll hmasa aia voters punna hi 426 (Mipa-162, Hmeichhia-264) niin, Electoral Roll hmasa atanga Roll thara Voters te punna zat hi 2.60 % a ni.

(27) TUIKUM CONSTITUENCY ah Polling Station 29 awmin General Electors 14,937 (mipa-7439, hmeichhia-7498) leh Service Electors 146 (mipa-118, hmeichhia-28), an vaiin Voters 15,083 an awm.

Tuikum Constituency ah hian Electoral Roll hmasa a tello Voters 475 (Mipa-240, Hmeichhia-235) telh thar niin Voters 153 (Mipa – 71, Hmeichhia-82) paih an ni thung a, Electoral Roll hmasa aia voters punna hi 322 (Mipa-169, Hmeichhia-153) niin, Electoral Roll hmasa atanga Roll thara Voters te punna zat hi 2.20 % a ni.

(28) HRANGTURZO CONSTITUENCY ah Polling Station 25 awmin General Electors 15,101 (mipa-7504, hmeichhia-7597) leh Service Electors 139 (Mipa-110, Hmeichhia-29) , an vaiin Voters 15,240 an awm.

Hrangturzo Constituency ah hian Electoral Roll hmasa a tello Voters 499 (Mipa-230, Hmeichhia-269) telh thar niin Voters 230 (Mipa – 108, Hmeichhia-122) paih an ni thung a, Electoral Roll hmasa aia voters punna hi 269 (Mipa-122, Hmeichhia-147) niin, Electoral Roll hmasa atanga Roll thara Voters te punna zat hi 1.81 % a ni.

A zavaia khaikhawmin Serchhip District chhunga Assembly Constituency pathumah Polling Station 77 a awm a, General Electors 46,850 (mipa-23,008, hmeichhia-23,842) leh Service Electors 462 (Mipa-364, Hmeichhia-98), an vaiin Voters 47,312 an awm a, Electoral Roll hmasa a tello Voters 1635 (Mipa-759, Hmeichhia-876) telh thar niin Voters 618 (Mipa – 306, Hmeichhia-312) paih an ni thung a, Electoral Roll hmasa aia voters punna hi 1017 (Mipa-453, Hmeichhia-564) niin, Electoral Roll hmasa atanga Roll thara Voters te punna zat hi 2.22 % a ni.

Heng Assembly Constituency pathuma Voters zawng zawngte hi EPIC (Electoral Photo Identity Card) siam sak vek an ni a, Electoral Roll a awm te sex ratio chu mipa 1000 zelah hmeichhia 1032 (Serchhip - 1085, Tuikum-1008, Hrangturzo-1012) a ni a, Serchhip District chhunga mihring cheng zawng zawng zinga 62.7% (Serchhip - 61.2%, Tuikum-64.4%, Hrangturzo-62.8%) chu Electoral Roll ah an awm a ni. Voters zingah hian kum 20-29 inkar tam berin 36.39% an ni a, kum 80 chunglam hi 1.07% an awm bawk a ni.

Electoral Roll thar hi recognized National/State Political Party te leh Serchhip Sub-Headquarters YMA hnenah a thlawnin sem a ni a; mi mala nei duh chuan Soft copy pakhat Rs. 100, leh hard copy phek khat Rs. 5 zelin lei theih tura ruahman a ni. Heng hi District Election Office-ah ngaihven theih a ni ang.

Electoral Roll thar en duh chuan mahni bialtu ERO/AERO/BLO emaw, DC/DEO Office-ah en theih a ni.

Source: DIPR, Serchhip