SERCHHIP KHAWPUI CHHUNG KAWNGPUI HUMHALH TURIN SAWRKAR LEH YMA TANG HO DAWN


Serchhip: 15th January, 2013: Sub-Hqrs. YMA Serchhip chuan thuchhuah siamin Serchhip khawpui chhung kawng siamthat mek chu a tlo zawk theih nan a venhim zui kawngah theihtawp chhuahin sawrkar leh kawngpui enkawltute a thawhpui chhunzawm zel dawn a, kawngpuia rod chhut ngilte, insukna thli hmanga tih huh te, motor silna atana hman leh motor atanga gas bur thlakna atana hmante bakah kawngpui tichhe thei zawnga chetna reng reng khap tlat a nih thu leh uluk taka an vil reng dawn thu an sawi.

Nimin January ni 14, 2013 chawhnu dar 2:00 khan Sub-Hqrs. YMA Serchhip chu Serchhip Khawpui huamchhung a National Highway-54 in a pal tlang YMA Branch hrang hrang President leh Secretary theuhte nen Sub Hqrs YMA Office-ah NH-54 siam that mek chungchang sawiin an thukhawm a, tunlaia Serchhip khawpui chhung kawngpui siamthat mek chu siam zen zen harsa tak anih avangin an siam chhun ah a tha thei ang bera thawh a nih theih nan YMA ten a theih chin chinah en pui zel an tum a, motorin a kawngpui siam that te a ngheh hma a an rah chhiat loh nan hnathawhna veng nei tu Branch YMA apiang ten hnathawktu te duty pui zel ni bawk se an ti a, tunah pawh hian nitinin kawngpui siam hnathawhna ah YMA ten hnatlangin an pui mek zel a ni.

Kawngpui siam zawh anih hma chuan zin veivak, hmar lama atanga Serchhip khawpui kaltlang tur te chu World bank lam kawnga kal tur leh khawchhak lama kaltlangturte pawh he kawng vek a kal a Chalkhan peng atanga Serchhip Sailiamkawn rawn pawh chauh turin a ngen a, hetiang vek hian khawchhak lam leh chhim lam atanga hmar lam pan turte pawh kal turin YMA chuan a ngen a ni.


Source: DIPR, Serchhip