SPECIAL SUMMARY REVISION 2017 ATAN BLO TEN TRAINING NEI


Dated Serchhip, the 14th September, 2016: Vawiin hian Serchhip DC Conference Hall ah Serchhip District chhunga Booth Level Officers ten Special Summary Revision 2017 atana inbuatsaih nan vawiin hian training an nei.

Training hawnna inkhawm tawiah District Election Officer Dr. Lalrozama IAS chuan BLO te chu hna dang thawk chunga BLO atana ruat an nih avang leh he BLO hna hi kan rama hna pawimawh ber pakhat a nih bawk si avangin an intuai hriam reng a ngai a. An pawimawh zia an hriat thar fo pawh a ngai a ni, a ti. Kan ram hian Booth Level Officer te chhawpchhuah mipuite hi khua leh tui dik takah pawmin hamthatna tinreng a pe zui a, hei vang hian an kutah hian kawng tam takin kan ram hi a innghat a ni, a ti bawk. Training tura kalkhawm te chu uluk taka an hriat tur tulte zir tura chahin tha taka hna an thawh theih nan duhsakna a hlan a ni.

Training kaihruaitu Pu R. Vanrengpuia, MCS, Election Officer chuan kaihruaiin training an neih chhan leh Election Commission in Special Summary Revision lo awm leh tur atana ruahmanna a siam hrang hrangte, District Level a hma lakna chi hrang hrang awm turte a sawifiah bawk.

He training ah hian Pu V. Laldinsanga, MCS, SDO Civil, Vanlaiphai, District Level Master Trainer ni bawk chuan Booth Level Officer te hna thawh tur leh an pawimawhna thu hmangin zirtirna a pe a, Pu Vanlalrova, MCS, BDO Serchhip, District Level Master Trainer chuan BLO te Form hman tur hrang hrang leh dilna leh sawiselna lo lut chinfel dan zirtirna a nei thung. Heng mithiam pahnih ten zirtirna an neih zawh hian sawihona hun leh hriat chian duh inzawhna hunte hman zui nghal a ni.

Vawiinah trainingah hian District chhunga BLO te an kal tha hle a ni.

Source: DIPR, Serchhip