SERCHHIP AH PMEGP LOAN DILTUTE INTERVIEW NEIH A NI


Serchhip, 14th September, 2015 : Vawiin chawhma dar 10:00 atang khan Serchhip DC Office ah Serchhip District chhunga PMEGP loan diltute interview neih a ni.

Interview hi Pu VL Remliana, MCS, Chairman, District Level Task Force leh DC Serchhip ni bawk hova neih a ni a, Pu Zaithanmawia, EO, RICS, Member Secretary chu KVI Board atangin he interview ah hian a thu bawk a, Serchhip District chhunga Bank hrang hrang Manager te leh Village Council aiawhte an thu bawk a ni.

Serchhip District chhungah hian DIC leh KVIC hnuaia trade hrang hrangah te diltu mi 485 an awm a, dilna diklo hnawl mi 13 an awm ani. Kum danga tel thin KVIB erawh chu pawisa sanction a awm loh avangin kuminah hian hawn tel a ni ve lo a ni.

Interview hi DC office ah hmun 2 ah neih a ni a, vawiin hian Serchhip khawchhung Bank hrang hranga loan diltute interview lak niin, vawiinah zawh fel hman tum a ni a, naktuk ah District chhung Bank danga diltute interview hi neih chhunzawm tum a ni.

Bank hranga loan diltute dinhmun chu hetiang hi a ni:

1. SBI Serchhip mi 86
2. MRB Serchhip mi 88
3. MCAB Serchhip mi 35
4. MRB New Serchhip mi 127
5. MRB Chhiahtlang mi 62
6. MRB Chhingchhip 31
7. SBI Thenzawl 15
8. SBI Khumtung 2
9. MRB E Lungdar 15
10. MRB N Vanlaiphai 13
11. MRB Thenzawl 11

Source: DIPR, Serchhip