SAGY PROGRAMME HNUAIA HMALAKNA KAL ZELAH CHHIAHTLANG LEH KHAWLAILUNG A HIGH SCHOOL ZIRLAITE TAN INELNA BUATSAIH A NI


Serchhip, 14th August, 2015 : Vawiin chawhnu dar 2:00 khan Government Chhiahtlang High School-ah MP Model Village “Sansad Adarsh Gram Yojana (SAGY)” hnuaia DRDA, Serchhip hmalakna kalzel ah Chhiahtlang khua a High School zirlaite tana lemziak intihsiakna (painting competition) buatsaih result puan a ni a, Pi Rohnuni Colney, Charge Officer, Chhiahtlang MP Model Village leh Pu Thangsuanhau, PMRDF ten he hun hi an hmanpui.

Pu Ronald Sapa Tlau, Rajya Sabha MP in model village a siam tura a thlan Chhiahtlang khua a High School pahnih Government Chhiahtlang High School leh Millenium High School zirlaite tan “How to make Chhiahtlang a model village” tih thupui hmanga lemziaka intihsiakna buatsaih a ni a, Govt. Chhiahtlang High School a zirlai 110 zinga 8 leh Millenium High School a zirlai 80 zinga 12 in he intihsiakna hi beiin K.Lalawmpuia, Class-IX, Govt. Chhiahtlang High School chu pakhatna niin pahnihna chu Lalhriatkimi, Class-IX, Millenium High School a ni a, Lalsangzeli, Class-IX, Govt. Chhiahtlang High School pathumna a ni. Lok Sabha MP Pu CL Ruala’n model village tura a thlan Khawlailungah pawh he intihsiakna “How to make Khawlailung a model village” tih thupuia hmangin lemziak intihsiak buatsaih niin nimin khan lawmman sem a ni a, Government Khawlailung High School a zirlai 70 zinga 32 ten he intihsiakna hi beiin Lalremruati, Class-IX pakhatna a ni a, Mawia, Class-IX chu pahnihna niin Lalthansangi, Class-IX pathumna a ni. Model Village siam tura ruahmanna hrang hrang zing ami human development sector hnuaia first stage activity zinga telh anih vangin he intihsiakna hi buatsaih a ni a, rilru leh taksa hmasawnna kawnga an than theih nan a hmalakna pakhat niin reilote ah Quiz leh debate Competition buatsaih lehnghal a ni ang.

Source: DIPR, Serchhip