SERCHHIP DISTRICT CHHUNGA CENTRAL SUM HMANGA HNATHAWHTE THLIR HO


Dated Serchhip, the 13th October, 2016: Vawiin chawhma dar 11:00 hian Serchhip DC Conference Hall ah Serchhip District chhunga Centrally Sponsored Scheme hmanga sawrkarin hna a thawh hrang hrang te endikna leh thlir hona, District Development Co-ordination & Monitoring Committee neih a ni a, Chairman Pu CL Ruala, MP Lok Sabha leh Co-Chairman Pu Ronald Sapa Tlau, MP Rajya Sabha te bakah Tuikum bialtu MLA Er. Lalrinawma leh Hrangturzo bialtu Pi Vanlalawmpuii Chawngthu ten an telpui.

Vawiina DDC&MC Meeting-ah hian Dr Lalzorama, IAS District Bawrhsap chuan hun bul a tan hnuah, Pu C.L. Ruala, Chairman DDC&MC, MP (LS) ni bawk chuan memberte lawmna thu sawiin, District chhunga hmasawnna kawng hrang hranga hmalakna leh sum leh pai hmandante a dikin a fel tawk em tih zirchianna leh thilrhona huna sawrkar mi leh sate mai bakah khawtlang aiawh te, tlawmngai pawl te leh hmeichhe lam aiawhte an tel ve chu lawmawm atih thu sawi.

Vawiin DDC&MC Meetingah hian Serchhip District chhunga Centrally Sponsored Schemes hrang hrang : Health Department, School Education Department, Rural Development Department, Social Welfare Department leh PWD hnuaia Central atanga hmasawnna Scheme lokal te thlirho niin, Health Department hnuaia Central Scheme hrang hrang zingah mi rethei leh harsa zawkten Sawrkar Damdawi Ina awm man leh Damdawi man atan an senso phuhrukna tura ruahmanna Rashtriya Swashthya Bima Yojana (RSBY) Scheme chu Mizoram District dangte zingah Serchhip District chu a titha ber niin, BPL chhungkua 86.7% in RSBY Card an nei tawh a, Kumin (2016)ah Malaria natna vangin Serchhip District chhungah mitthi an la awm loh thute Chief Medical Officer, Serchhip District Hospital hnen atanga ngaihthlak ani. Rural Development Department hnuaia Central Scheme hrang hrang te Mahatma Gandhi National Rural Employment Gurantee Scheme (MNRGES), National Rural Livelihood Mission (NRLM), Indira Awas Yojana (IAY), Integrated Watershed Development Programme (IWMP) leh Border Area Development Programme (BADP) hnuaia hmalakna te, PWD hnuaia Pradhan Mantri Gram Sadak Yojana (PMGSY) Scheme hmanga kawng laih tawh leh laihmek te, Power & Electricity Departemnt hnuaia Rajiv Gandhi Grameen Vidyutikaran Yojana (RGGVY) Scheme hnuaia hmalak tawhna leh kalmek te, Social Welfare Deprtment hnuaia 2016-2017 chhunga National Social Assistant Programme (NSAP) Scheme hnuaia hmalak tawhnate leh hmalak zel dan turte leh District hmasawnna tura thil pawimawh chi hrang hrangte sawi ani bawk.

District Development Co-Ordination & Monitoring Committee ah hian Centrally Sponsored Scheme khawihtu Serchhip Distrcit chhunga Sawrkar Department hrang aiawh te leh MHIP, YMA leh VC atanga DDC&MC members atan a ruatte an kal tha hle a ni.

Source: DIPR, Serchhip