EAST LUNGDAR-AH NI HNIH AWH IWMP TRAINING NEIH A NI


Serchhip, 12th August, 2015 : Integrated Watershed Management Programme (IWMP) hnuaia East Lungdar RD Block a hmalakna Serchhip-III leh Serchhip-V IWMP Project hnuaia Watershed Development Team te leh heng Project hnuaia khaw hrang hranga Watershed Development Committee member te tan nihnih awh Training chu East Lungdar BDO Conference Hall-ah vawiin khan tan a ni a, SIRD Extension Training Centre, Thingsulthliah atangin mithiam ten zirtirna an pe a ni.

Vawiin Training hawn inkhawm tawite buatsaih ah Project Implementing Agency (PIA) Pi C.Laltleipuii, MCS, BDO, East Lungdar chuan training nei tura kalkhawmte fuihna thu sawiin IWMP Committee member te chu khawtlang mipui ten duh taka an thlanchhuah an nih avangin an mawhphurhna a sang a, an thil tih tur an hriatchian a ngaih avangin leh khawtlang hmasawnna pawh an chungah thui tak a innghah avangin an thil zir ah rilru pe a hriatchian tum turin a ngen a, IWMP chuan lui kama ram bua leh ram awl hman tangkailoh te tangkai taka hman bakah eizawnna thar, a bik takin hmeithaite leh chhumchhia te tana siam hi a tum ber ani a ti a, midangte tana entawn t;lak leh zirchian tlaka Serchhip-III leh V Project hi kalpui a tum tih sawiin thahnemngai takah thawh puiah a sawm nghal bawk a ni.

IWMP hnuaia Serchhip-III leh Serchhip-V Project hnuaiah hian khaw 9 awm in Serchip-III Project hnuaiah hian North Vanlaiphai, Khawlailung, Mualcheng, Bawktlang, Piler, Lungchhuan leh Chekawn an awm a, Serchhip-V Project hnuaih hian East Lungdar leh Leng khuate an awm a ni.

Training pe tur hian SIRD Extension Training Centre, Thingsulthliah atangin Pu K.Lalbuatsaiha, Core Faculty(NRM) leh Pu RVL Muanpuia Faculty (CD) te sawm an ni a, Training a tel zawng zawngte hi TA pek vek an ni dawn a ni.

Source: DIPR, Serchhip