DISTRICT WILDLIFE CRIME CONTROL UNIT MEETING NEIH A NI


Dated Serchhip, the 12th July, 2016: Mizoram sawrkarin hriattirna a chhuah angin, Superintendent of Police Serchhip District-in a din, Serchhip District Wildlife Crime Control Unit chuan an Chairman Pu Lalringdika, Superintendent of Police, Serchhip kaihhruainain Meeting hmasa ber chu vawiin ni 12th july, 2016 chawhma dar 11:00 khan Superintendent of Police Office Chamber-ah an nei.

He meeting hian Serchhip District chhunga dan lo anga ramsa leh nungcha kah/man leh hralh chungchanga hmalak dan tur hrang hrang a duang a, chungte chu-

1. District chhunga Police Station zawng zawngah Officer-in-charge te kaihhruaina hnuaiah Wildlife Crime Control Squad din a ni ang.
2. He Wildlife Crime Control Squad te hian an bial chhungah thla thum chhungin a tlem berah vawikhat tal Patrolling an nei ang a, Chairman/ Superintendent of Police hnenah quarterly report kimchang an pe ang.
3. Patrolling neihna hmun tur leh chet lak dan tur chu bialtu Range Officer leh Police Station tina Officer-in-Charge tin ten anlo ruahman ang.
4. District chhunga BSF leh Assam Rifles leh Security Force dangte pawh dan lo anga ramsa kah, man leh sumdawnna atana hman thin ven leh manchhuah kawngah theihtawp chhuah tura ngen an ni a. Quarterly report pawh Superintendent of Police, Serchhip hnenah an pe thin ang.
5. National Wildlife Week leh hun remchang apiangah mipuite hnena zirtirna (Awareness Campaign) uar taka neih thin tur a ni.

He meetingah hian Divisional Forest Officer, North Vanlaiphai, Member Secretary ni bawk te, Divisional Forest Officer, Thenzawl, Commandant 10th Assam Rifles leh Commandant 166th Battalion BSF aiawh te an tel a ni.

Source: DIPR, Serchhip