MIZORAM VICTIMS OF CRIME COMPENSATION (Amendment) SCHEME, 2016


Dated Serchhip, the 12th April, 2017: Vawiin chhun dar 12:00 hian District Court Conference Hall, Serchhipah District Legal Services Authority hmalaknain ‘The Mizoram Victims of Crime Compensation (Amendment) Scheme, 2016’ hnuaiah Serchhip District chhunga suahsualna tuartu mi vanduaite hnenah zangnadawmna pek an ni a. Serchhip District chhungah hian he Scheme hnuai atang hian mi 10 hnenah zangnadawmna hi pek tawh niin, Rs. 19,20,000 (Nuai 19 leh sing 2) sem chhuah tawh a ni.

The Mizoram Victims of Crime Compensation (Amendment) Scheme 2016 hi khua leh tui, suahsualna tuartu, beihna hrang hrang tawk te hnena zangnadawmna pek theih dan a ni a. Vanduaina an tawh dan a zira zangnadawmna an hmuh theih zat bithliah hniam ber chu hetiang hi a ni.

Sl No

Vanduaina an tawh dan (Description of injuries/loss)

Zangnadawmna dawn theih tlem ber (Minimum Amount in Rs)

1

Acid Attack

Rs. 3,00,000

2

Pawngsual

Rs. 3,00,000

3

Naupang chunga hleihlenna (physical abuse of minor)

Rs. 2,00,000

4

Human Trafficking tuartu chhawmdawlna (rehabilitation)

Rs. 1,00,000

5

Zahmawh rawngkai inchhaihna (sexual assault) Pawngsual tel lo (excluding rape)

Rs. 50,000.00

6

Thihna

Rs. 2,00,000

7

Ramtuileilova awm phah (80% or more permanent disability)

Rs. 2,00,000

8

Ramtuileilova awm nep deuh zawk (40-80 %partial disability

Rs. 1,00,000

9

Taksaa kang tuar (25% aia nasa) Acid attack ni lo.

Rs. 2,00,000

10

Nu pum chhunga naute boralna (loss of foetus)

Rs. 50,000

11

Nau pai theih loh phah (loss of fertility)

Rs. 1,50,000

(Khing a chunga sualna sawi hrang hrangte tuartu khi kum 14 hnuai lam a nih phei chuan zangnadawmna te khi 50% a punga pek tur a ni nghe nghe a ni)

Heng a chunga suahsualna hrang hrang tuartu, vanduaina tawkte chuan sawrkarin an tana chhawmdawlna a siam hi hriaa, kan awmna District Legal Service Authority thawktute hnenah emaw District Court/ Chief Judicial Magistrate emaw Deputy Commissioner hnenah thlen thin tur a ni.

Source: DIPR, Serchhip