SERCHHIP AH CHHIAH LUT THA


Dated Serchhip, the 12th April, 2017: Kum 2016-17 chhungin Serchhip District Land Revenue & Settlement Office kaltlanga chhiah lut khawm chu sawrkar kum hmasa aiin Rs. 14, 89,027.00 zetin a tam a. Serchhip a Revenue & Settlement Office a din hnua chhiah luh tam ber kum a ni.

Mizoram sawrkar chuan Land Revenue & Settlement kaltlanga chhiah a lakkhawm te hi a rate a ti danglam hlek hlek thin a. Kum 2016-17 phei chu kum dang zawng aia chhiah lakna rate te a hniam kum a ni. Heti chung hian Settlement Officer leh a thawhpuite hian theihtawpin hma an la a, tun sawrkar kum liam ta 2016-17 chhung khan Tax Revenue ah Rs. 36, 90,991.00 zet hmuin nikum aia an hmuhchhuah tamna chu Rs. 6, 83,787.00 a tling a. Non Tax Revenue a 2016-17 inkara an hmuh chhuah chu Rs. 10, 68,323.00 niin kum hmasa aia an hmuh tamna chu Rs. 8, 05,240.00 lai a tling bawk. Tax leh Non-tax Revenue belhkhawma kum 2015-16 aia kum 2016-17 chhunga an hmuhchhuah tam zawkna zat hi Rs. 14, 89,027.00 zet a tling a ni. Land Revenue & Settlement Office, Serchhipa a din hnua chhiah luh that ber kum a tling hial a ni.

Chhiah rate tlawm kuma hetiang khawpa hmasawnna an neih avang hian Serchhip District Settlement Officer Pu R. Vanrengpuia leh Assistant Settlement Officer Pu Lalremruata Sailo te an lawm hle a. Danin a phut anga tha taka chhiah petu Serchhip District chhunga mipuite chungah lawmthu an sawi a ni.

Hetih lai hian chhiah la pe fel lo mi engemawzat an la awm nia hriat ani a. Heng chhiah la pe lo (duh lo/defaulter) te hi The Mizoram Land Revenue Laws, 2013 in a sawi angin khauh zawka thinna kalpui chhoh mek a ni bawk.

Source: DIPR, Serchhip