GENERAL INSURANCE COMPANY (GIC-Re), MUMBAI IN CORPORATE SOCIAL RESPONSIBILITY KALTLANGA MP MODEL VILLAGE, CHHIAHTLANG A AN HMALAKNA EN


Serchhip, 12th April, 2016 : Vawiin khan General Insurance Company, Mumbai hotuten Sansad Aadarsh Gram Yojana (MP Model Vilage) hmachhawp tihhlawhtlinna peng pakhat atan Corporate Social Responsibility (CSR) kaltlanga Rajya Sabha MP Pu Ronald Sapa Tlau-in model village a siam tura a thlan Chhiahtlang khua hmasawnna tura ruahmanna an siam "Sustainability Livelihood for Small & Marginal Farmers Project" hnuaia tanpuina sum hmasa (first instalment) lo dawng tawhtute hmalakna a hmunah kalin an tlawh.

GIC Mumbai hian CSR Project atan hian kumin March thla tir khan tanpuina sum hmahruai hi SAGY MP Model Village pahnih Khawlailung leh Chhiahtlangkhua a chhungkaw 10 ve ve te hnenah a lo pe tawh ani.

Vawiin a General Insurance Company, Mumbai atanga MP Model Village Chhiahtlang khua rawn tlawhtute hi Pu A K Agarwal, Deputy General Manager leh Jayshree Prabhu, Chief Manager te anni a, Pi Teresy Vanlahruaii, Project Director, DRDA Serchhip, Pi Rohnuni Colney, Charge Officer, SAGY Chhiahtlang leh Pu Mangsuanhau, PMRDF ten an lo dawngsawng a ni.

GIC hotu lo kal te chuan CSR Project hnuaia hmalakna peng hrang hrang, Clean Chhiahtlang, Women Enpowerment, Smart Classroom leh Sanitation a Chhiahtlang in an kalpui dan chu lungawithlak an tih thu an sawi a, bawlhlawh paihna tur Motor(Truck) pawh pe tura ruahmanna chak taka kalpui anih thu leh SAGY MP (LS) Model Village Khawlailungah pawh hetiang ang chiaha kalpui mek anih thu an hria chu lawmawm an tih thu an sawi a, CSR Project hnuaia benefiaries te hmalakna mit ngei a rawn hmuh bakah, Smart Classroom ni tura hmanraw changkang tak tak hmanga ziraliten zirna an kalpui tan dan chu lawmawm tiin CSR Project hnathawhte chu fakawm an ti hle a ni.

GIC Teamte lawmna inkhawm hi Chhiahtlang Community Centre ah buatsaih niin Pi Teresy Vanlalhruaii Project Director DRDA Serchhipin a kaihruai a, anmahni lo lawmna thu Pu CR Dothanga VCP Chhiahtlang hnen atanga ngaihthlak a ni a, CSR Project hnuaia Beneficiaries ten lawmthu sawina neiin, GIC Team lamte pawhin Chhiahtlang khua mipuite hnenah lawmthu an sawi bawk a, Pi Rohnuni Colney, Charge Officer, SAGY Chhiahtlang in lawmthu sawiin hnu a khar a ni.

GIC teamte hian vawiin tlai khan Aizawl panin Chhiahtlang an chhuahsan leh nghal a ni.

Source: DIPR, Serchhip