SERCHHIP-A KUT HNATHAWKTUTE KHAWMPUI HMAN DAN TUR REL


Serchhip, 12th January, 2016 : Vawiin khan Serchhip District Bawrhsap Dr. Lalrozama, IAS hovin a pisa ah naktip January ni 14, 2016 "Kut Hnathawktute Khawmpui" lo awm tur Serchhip District chhunga hman dan tur rel a ni.

"Kut Hnathawktute Khawmpui" hi kum hmasa lamah chuan "Kut Hnathawktute Ni" ti a hman thin a ni a, tun tumah hian a hming thlak a ni. Serchhip District ah chuan a lawmna pui ber hi Serchhip DC's Conference Hall-ah neih a ni ang a, chawhma dar 11:00 a tan tur niin Pu Lal Thanzara. Minister of State for Health & Family Welfare, I&PR chu khuallian a ni ang a; Khual Zahawm atan Pi Vanlalawmpuii Chawngthu, MLA, Chairperson, Women Commission leh Pu R. Vanlalvena, MLA, Chairman, ZOHANDCO te Sawrkar hotuten an ruat bawk.

"Kut Hnathawktute Khawmpui" pual inkhawm hi District Bawrhsap Dr. Lalrozama, IAS in a kaihruai ang a, District chhunga Sawrkar hnathawkte, NLUP beneficiary te, District/Village Level NLUP Committee Member te, Kohhran hruaitute, Tlawmngai Pawl hruaitute leh MJA member te he hun hmang tur hian sawm an ni sa, Kut Hnathawktute leh Sawrkar Official te inkawmhona hun remchang siam a ni bawk ang.

Source: DIPR, Serchhip