SERCHHIP-AH INTERNATIONAL ANTI-CORRUPTION DAY URHSUN TAK A HMAN A NI


Serchhip: 11th December, 2012: Nimin chhun khan Serchhip DC Conference Hall-ah District huap Anti-Corruption Day urhsun taka hman a ni a, Serchhip khawpui huam chhunga Sawrkar Pisa hrang hrang hotute, tlawmngai pawl hrang hyrang aiawhte, PRISM aiawhte leh zirlai naupang thahnem tak an tel a, Pu Lalsangliana Addl. DC chuan he hun hi khuallian niin a hmanpui.

Khuallian chuan tih tur tih loh vang leh tih loh tur tih vanga “hlemhletna” hi lo awm thin anih thu sawiin, Mizoramah chuan “corruption” tih tawngkam a rik hian mi zawng zawng mitthla ah Sawrkar hnathawkte a lang nghal thin niin a hriat a, Sawrkar hnathawkte mai bakah anmahni dawr thin tu mipuite atang hian thui tak “hlemhletna” hi a in tan ve thei tho a ni tih hriat a pawimawh a ti a, Sawrkar hnathawkte tin zawn bik mai lova, mipuite pawhin mawhphurhna kan nei ve a ni tih inhre chunga hlemhletna do tlan a pawimawh thu sawiin, mahni inpekna leh dan ngaihpawimawhna hi “hlemhletna” dona atana hmanraw pawimawh ber anih thu a sawi bawk.

Nimin a hlemhletna do inkhawm hi Pu Lalzuiliana, Vice-President, Sub-Hqrs YMA Serchhip in a kaihruai a, Serchhip College zirlaiten thupui atan “hlemhletna hi tihbo theih ani” tih hmangin Mizo Tawng leh Sap Tawngin Debate an nei a, tlawmngai pawl hrang hrang aiawhte leh PRISM aiawh ten thusawina hun hmangin items benglut tak tak ngaihthlak a ni bawk.

Vawiin in khawmah hian Anti-Corruption Day puala inelna buatsaih chi hrang hrang a ti tha te hnenah lawmman sem a ni a, lawmman dawngtute chu:

Essay Writing (Mizo)
Pakhatna – P.C.Malsawmkimi, Marian High School (Rs. 2000 + certificate)
Pahnihna – Mary Laldinpuii, Marian High School (Rs. 1500 + certificate)
Pathumna – Lalhmangaihzuali, Govt. High School, Chhiahtlang (Rs. 1000 + certificate)

Essay Writing (English)
Pakhatna – R.Lalfamkima, Govt. Higher Secondary School, Serchhip (Rs. 2000 + certificate)
Pahnihna – Ricky Lalremruata, Marian High School (Rs. 1500 + certificate)
Pathumna – Lalremruatpuii, Govt. High School, Chhiahtlang (Rs. 1000 + certificate)

Best Debator (Mizo)
K.Lallawmzuala, Govt. Serchhip College (Rs. 2000 + certificate)

Best Debator (English)
Benjamin Lalrinchhana, Govt. Serchhip College (Rs. 2000 + certificate)

Chanchinbu Article/Editorial Chhuah Tha
Pakhatna – Serchhip Times Nitin chanchinbu (Rs. 2000 + certificate)
Pahnihna – Zothlifim Nitin chanchinbu (Rs. 1500 + certificate)
Pathumna – Laisuih Nitin chanchinbu (Rs. 1000 + certificate)

Intihsiakna a tel zawng zawng hnenah hian Participation Certificate hlan vek an ni bawk.

Source: DIPR, Serchhip