SERCHHIP AH SELF-HELP GROUP TANPUINA SEM ANI


Serchhip, 11th July, 2014: Vawiin chawhma dar 11:00 khan Serchhip DLAO Pu ST Lalhmingmawia chuan a pisa ah Serchhip-a BPL Self-Help Group (SHG) 37 hnenah tanpuina “Revolving Fund” Rs. 9,25,000 (Rs. 25,000 per 1 SHG) theuh a sem.

Vawiina BPL Self-Help Group revolving fund sem tak hi, SHG te an intodelh theihna tur leh hma an lak zel theihna tur atana ruahman a ni a, Self-Help Group te seal siam nan Rs. 11,100/- (Rs. 300 per 1 SHG) hman ral niin hei hi Sawrkar lamin an siam sak lawk sa a, Seal siamna man nen belhkhawm chuan tun tuma SHG 37 te tana Revolvolving Fund semchhuah hi Rs. 9,36,100/- a ni. Tanpuina Sum te hi Self-Help Group te bank account ah thunsak theuh an ni

Vawiin Revolving Fund semna ah hian Pu ST Lalhmingmawia, DLAO chuan SHG member te chu fuihin SHG chu Sawrkarin hmeichhiate anmahni ke a ding thei tura rahbi a siamsakna hmanrua a ni a ti a, a hmanna tur diktaka hmang turin leh bul tanna tura an sum dawn te chu peipung ngei turin a chah a, pawl kalpui dan tha leh pawimawhte a sawi bawk a ni.

SHG te hian Pi H. Lalmalsawmi, LDC hnen atangin SHG kalphung leh thil tul hrang hrang bakaha, sum vawn dan an zirt nghal bawk a ni.

Source: DIPR, Serchhip