NAUSEN THIHNA CHUNGCHANG ZIRHO


Dated Serchhip, the 11th April, 2017: Vawiin khan Serchhip Chief Medical Officer Conference Hall-ah naupang thihna chungchang thlirletna leh a tihtlem dan tur zirhona “District Level Training on Child Death Review & Sensitization workshop” buatsaih a ni.

Kum 2015-2016 chhunga Child Death Review (CDR) report a lan danin, India rama nuapang thihna tam ber chu thlakim lova an pian vang a ni a, hemi hun chhunga Mizoram a nau piang zawng zawng 20,129 ( Mipa 10,200 leh Hmeichhia 9,745) ah 19,945 te dam chhuakin 184 te an boral thung. Heng a damchhuak zolo 184 zinga a tam ber chu thisa a piang niin; tam tak chu thawkna lama harstana an neih vang te leh Pneumonia natna in a man vanga thi te an tam ber nia sawi a ni. Tin, an zinga a tam zawk hi kum khat hnuai lam a n nih laia boral a ni bawk.

He zirhonaah hian Dr. Lalhlunpuii, District Immunization Officer chuan nausen thihna chungchanga Mizoram leh Serchhip District dinhmunte sawifiahna a neih bakah natna nei nausen enkawl dan tur leh an hriselna atana tih tur leh tih loh tur thilte zirtirna a nei a. Nausen thihna a lo thlen palha ASHA leh Health Worker te hmalak dan turte sawiin hapta hnih chhunga a chhan enfiahna (investigation) neih vek tur a nih thu leh report District Level Child Death Committee ah leh State Level Task Force Committee ah te a rang thei ang bera thehluh a tul thu a sawi a ni.

He zirhona kaihruaitu Dr. Laldawngliana Sailo, CMO Serchhip chuan, ram changkang lo apiangah nausen thihna a thleng nasa thin a, ram a chankan ang zelin a tlem ve tial tial thin. India ramah pawh nausen thihna a tlem chho tial tial a, Mizoramah ngei pawh hma kan sawn nasa hle. Amaherawh chu tuna kan dinhmun aia thaa la ding thei kan nih avangin nasa zawka kan beiha, Health Department a thawktute chauh nilo, khawtlang hotu leh tlawmngaipawlte, kohhran te nena nasa zawka kan thawh ho zel a ngai a ni, a ti.

Vawiina nausen thihna chungchang zirhonaah hian Serchhip District chhunga Medical Officer te leh Health Worker te, AHSA te bakah Serchhip khawpui a Kohhran hrang hrang aiawh te leh NGO aiawhte an tel a ni.

Source: DIPR, Serchhip