SERCHHIP HOSPITAL-AH TOBACCO CESSATION CLINIC HAWNG


Serchhip, 11th April, 2016 : Vawiin chawhnu dar 1:30 khan Serchhip District National Tobacco Control Programme (NTCP) hnuaia Tobacco Cessation Clinic (TCC) hawnna inkhawm buatsaih a ni a, Dr. ZD Lalmuanawma, District Medical Superintendent kaihhruaina hnuaiah hawnna inkhawm hi buatsaih niin Serchhip District Hospital a Doctor te, Thuthar thehdarhtute leh Tlawmngai pawl hruaitute an tel a ni.

Tobacco Cessation Clinic hi vaihlo, zuk leh hmuam sim duh te tanpuina tura din niin Serchhip JN Hospital a Trauma Centre Top Floor ah a awm a, vaihlo, zuk leh hmuam sim duh tan OPD hun chhungin (9:00 AM - 3:00 PM Thawhtanni atanga Zirtawpni, 9:00 AM-12:00 Noon Inrinni) pan theih reng a ni a, TCC ah hian damdawi leh councelling hmangin zuk leh hmuam sim duh te tanpuina pek thin an ni a, damdawi hi a thawn a pek thin a ni bawk.

Serchhip Tobacco Cessation Clinic ah hian thawktu pali awmin District Consultant Dr. Zohmingsanga bakah Psychologist, Social Worker leh Data Entry Operator pakhat theuh an awm a ni.

Tobacco Cessation Clinic hi Mizoramah kum 2005 khan Aizawl ah a hmasa ber atan hawn a ni a, kum 2009 khan Lungleiah hawn leh niin kum 2015 ah Siaha leh Chamophaiah hawn a ni a, heng TCC pali te hi mi 7000 chunag zetin pan tawh in mi 500 chuang zet in zuk leh hmuam an sim phah tawh a ni. Serchhip-a TCC hi Mizorama a pangana niin April, 2016 chhung hian Kolasib, Mamit leh Lawngtlaiah hawn leh tura ruahman a ni.

Source: DIPR, Serchhip