HORTICULTURE DEPARTMENT IN HRANGTURZO BIAL-AH NLUP SEM


Serchhip, 10th December, 2014: Serchhip a Horticulture Department chuan vawiin khan Thangburha Hall, East Lungdar-ah Hrangturzo Cluster huamchhunga NLUP 2nd Phase tanpuina dawngtute hnenah 3rd Installment an sem a, Khuallian atan Hrangturzo Bialtu MLA Pi Vanlalawmpuii Chawngthu hman a ni.

NLUP beneficiaryte fuihna thusawiin khuallian Pi Vanlalawmpuii Chawngthu chuan Sawrkarin bultanna kawng a hawnsak chu lawm taka tihhlawhtlin ngei tum turin a hrilh a, NLUP hlawhtlinpuia tha tak taka thawk an awm laia tithaduhlo leh dawngdah tak tak te hmel hmuh tur a awm hian duhsaktu te tan pawh a rilru natthlak a, anmahni ngei pawhin a pawi zia an la hriat dawn chauh thu a sawi bawk. Pi Vanlalawmpuii chuan NLUP an sem chu Krismas thawmhnaw leina tur emaw chaw dangral mai mai atan emaw a hman nghal tur anih loh thu hrilhin tha taka a hmanna tur taka an hman phot chuan kum engemawzxat lo kal leh tur atana Krismas thawmhnaw leh mamawh dangte a phuhru zawk dawn ani tih hria a rilru fing tak pu turin a chah a, NLUP chu Sawrkarin a kalpui zel dawn avangin beneficiary te chu an samkhai zawk nan bank account nei vek turin a chah bawk a ni.

Pu Lawmkima, MCS, Nodal Officer, NLUP, Serchhip District pawhin thusawiin Serchhip District chu Mizoram District zinga ram laili luahlumtu an nih bakah NLUP Pa Mizoram Chief Minister ni bawk Pu Lal Thanhawla bial awmna anih vangin District dang zawng zawngte tan entawntlaka thawh a ngai a ni a ti a, Chhungkaw pa berin duhsak taka kan enkawl kan faten an tana tha tur ruahmanna kan siam sak an zawmthat duh loh a kan rilru nat thin ang chiah hian NLUP beneficiary ten an tih tur an tih loh a an hmalam hun an intlawhpin hian an mahni duhsaktu Sawrkar hi a rilru a na thin a ni a ti a, hmangaih leh duhsaktu rilru tin a lova an hlimna thlentu ni turin beneficiary te a chah a ni.

Hrangturzo Cluster a Horticulture Department kaltlanga NLUP 2nd Phase tanpuina dawngtu hi mi 484 an ni a, NLUP 2nd Phase 3rd Instalment hi Bial chhung hmun li ah hetiang hian vawiin khan sem a ni :

1. East Lungdar ah East Lungdar, Biate, Sailulak, Leng leh Mualcheng khua a NLUP 2nd Phase beneficiary 277 (M.Orange - 241, Tea – 36)
2. North Vanlaiphai ah North Vanlaiphai, Bawktlang, Lungchhuan leh Lungkawlh khua a NLUP 2nd Phase beneficiary 118 (M.Orange - 108, Grape – 10)
3. Khawlailung ah Khawlailung, Hmunzawl, Piler, Sialsir leh chekawn khua a NLUP 2nd Phase beneficiary 70 (M.Orange - 64, Pineapple - 6)
4. Keitum ah Keitum leh Bungtlang khua a NLUP 2nd Phase beneficiary 19 (M.Orange - 7, Pineapple - 12)

Vawiina tanpuina sum an sem dan hi Serthlum - Rs. 9000/-, Lakhuihthei – Rs. 8000/-, leh Grape – Rs. 12,500 /-, Tea – Rs. 40,000/- a ni a, beneficiary ten Actual Payee Receipt an sign hnu ah an bank account ah pawisa hi dah sak an ni.

Pu Lalhmangaiha, DHO, Serchhipin NLUP sem inkhawm hi kaihruaiin Pi Laltleipuii, MCS, BDO, East Lungdar leh Pu Andrew H Lalremruata, MIS, Media Officer, NLUP Serchhip District ten an telpui a ni.

Source: DIPR, Serchhip