SERCHHIP DISTRICT NLUP MEDIA OFFICER LEH MJA HRUAITUTEN TEN NLUP BENEFICIARY HMA LA THA LO TE AN ENDIK


Serchhip, 10th September, 2014: Vawiin khan Serchhip District NLUP Media Officer Pu Andrew H.Lalremruata, MIS, DIPRO ni bawk hovin Serchhip District MJA hruaituten Chhingchhip Saisih ram a NLUP beneficiary WRC-II Trade thlangtu mi pahnih, hma la thalo ni a anmahni enkawltu Line Department ten an sawi leh Serchhip District NLUP hotuten insawifiah tura an tih te chu an hmalak dan a hmunah zirchiangin an endik a ni.

Vawiina NLUP beneficiary hma la thalo ni a sawi te hi Chhingchhip Venghlun a cheng ve ve niin a NLUP 2nd Phase ah khan WRC-II Trade an thlanga, tanpuina sum pawh 1st installment Rs. 40,000/- an lo la tawh a, kumin kum tir lama Line Department ten an endik tumin hma an la lak miah loh bakah anmahni ram nilo midang ram an ta anga an kawh avanga insawifiah tura tih an ni a, tun tumah hian an insawifiah hnu a hma an lak thar dan endik a ni a, an hmalak tharna hmun hi Saisih ram niin khawchhung atanga kilometer 3 vela hla a awm a ni a, NLUP Media Officer chuan an tihsual leh tihdikloh ringawt zawng tura kal an nih loh thu leh NLUP hi dinchhuahpui tak tak tuma hma la an nih leh nih loh hriatchian tuma kal an nih zawk thu beneficiary te chu hrilhin an thil hmuh dan chu thlalak nen ziakin thuneitute hnenah an thlen mai dawn thu a sawi a, sawrkarin dik tak leh langtlang taka thil kalpui a duh avangin chanchinbumi te pawh endikna kawngah hian a sawm tel ve ani tih a sawi a, MJA te nen tangrualin District chhung khaw hrang hrangah NLUP beneficiary te hmalakna chi hrang hrang a tha leh thalo te pawh enzui zel anih tawh dawn thu a sawi bawk.

MJA hruaitu vawiina Chhingchhipa kalte hi an President Kapliana Pachuau, Serchhip Times Editor, Lalremruata Ralte, Vice-President, Ramlai Arsi Editor, C. Ramengmawia, General Secretary Lamkal Editor, R.Lalmuansanga, Secretary, Zonunsanga Kawlni, Executive Member, Lenkawl Editor leh Vanlalpekhlua te an ni a, Chhingchhip VCP Pu Lalchungnunga Sailo leh VLMC Secretary Khuangkhuma ten an tawiawm bawk a ni.

Source: DIPR, Serchhip