SERCHHIPA REMNA NI HMAN DAN TUR REL ANI


Serchhip, 10th June, 2016 : Vawiin chawhma dar 11:00 khan DC Conference Hall-ah Remna Ni vawi 30-na hman dan tur ngaihtuahin Organising Commitee an thukhawm.

Vawiina Remna ni hman dan tur organising committe thukhawm chuan Remna ni pual hian zing kar ah Rally neih nise an ti a, Mizoram hmun dang rualin, Sub Hqrs YMA kaihhruainain chawhma dar 11:00 hun hman tan a ni anga, khuallian ah Dr.Lalrozama, IAS, Deputy Commissioner Serchhip a ni ang. Remna ni pual hian essay inziahsiakna buatsaih a ni anga, MZP Hqrs. Serchhip in an buaipui ang. Vawiin meeting chuan Car Flag leh street banner siam nise tiin a rel a, Remna ni ah hian Serchhip a zaithiam leh fiamthu thiam te leh Sub Hqrs YMA zaipawl te hun hmang tura sawm nise, kohhran leh pawl hrang hrang te chu programme dang siam lo tura ngen nise, a hmanna tur hmun leh thil tul dang chu organising Committee OB ten lo buaipui se an ti bawk.

He meeting hi Serchhip District Remna Ni Organising Chairman leh Sub Hqrs YMA President Pu R.Sanghmingthanga’n kaihruaiin, “Remna Ni”vawi -30-na Mizoram puma hman tura ruahman anih chhan leh YMA kuta dah anih dante sawiin, he ni hi Mizoram leh Mizote awm chhung chuan hman a ni tawh dawn a ni a ti bawk.

Serchhip District ah hian Sub- Hqrs YMA kaihhruaina hnuai ah, Sub- Hqrs thuthmun Serchhip ah leh Group 3 Vantawng, Tuichangral ‘S’ leh Tawi Group ah hman a ni ang a. Serchhip a hman na tur atan Rs.150,000/- ruahman a ni.

Organising Committee Office Bearer ah hian Sorkar lam aiawh in Pu VL Remliana, Addl. DC chu Vice Chairman niin, Secretary ah Pu Lalrammawia, Sub Hqrs. YMA, Jt.Secy ah Pu Lalhminghlua MJA President,Treasurer ah Pu R.Lalhmunsiama Sub Hqrs YMA, Fin. Secretary ah Pu Thangngaizuala, Sub Hqrs. YMA te an ni a, Committee member ah Sub Hqrs. YMA Office Bearer leh SEC member 10 te bakah, Serchhip Town chhunga Head of Office te, Kohhran, NGO, Party, PAMRA, Ex-MNA atang te in ruat an ni.

Source: DIPR, Serchhip