CHIEF INFORMATION COMMISSIONER HOVIN THENZAWL-AH RTI AWARENESS CAMPAIGN NEIH A NI


Serchhip, 10th March, 2016 : Mizoram Information Commission leh Vantawng Group YMA tangawp buatsaihin vawiin khan Vantawng Group YMA Run, Thenzawl ah Right to Information Awareness Campaign buatsaih niin Chief Information Commissioner Pu Lal Dingliana, IFS (rtd) chuan khuallian niin he hun hi a hmanpui a ni.

Chief Information Commissioner chuan thu sawiin Right to Information Act chu langtlang sawrkar, sawrkar dik leh mawhphurhna felfai taka kalpui ngam neihna atana hmanraw tangkai ber te zing ami a ni a ti a, Sawrkar tihdikloh haichhuah nan kan hmang hi a tangkai rualin RTI Act in a tum ber zawk chu hetiang thildiklo ven hi a ni mah zawk a ni a ti bawk. RTI chu puitling ho hman tur chauh ani bik lova, naupang te pawhinan hmang tangkai thei vek a ni tiin India ram state pakhat ah phei chuan hmeichhe naupang pawl 6 zirlaiin RTI Act hmanga hma a lak avangin School library changtlung tak an neih phah hial a ni a ti bawk. RTI chu midangte hekna anih loh avangin Kristiante tan Thu Sawm Pek a kalh lova, thil diklo haichhuahna leh a venna hmanrua tangkai tak a ni zawk tih kan hriat reng a pawimawh a ni a ti bawk.

Vawiin RTI Awareness Campaign ah hian hriatfiah loh zawhna leh chhanna hun hman a ni a, zawhna te hi Chief Information Commissioner Pu Lal Dingliana leh Serchhip DIPRO Pu Andrew H Lalremruata, MIS ten an chhang a ni.

Vawiin RTI Awareness Campaign ah hian Vantawng Group YMA hnuaia YMA Branch hrang hrang aiawh te, Thenzawl khaw chhung Village Council aiawhte, MHIP leh MUP Branch hrang hrang aiawhte bakah Sawrkar hnathawk sawm bikte an tel a, an hnenah hian Mizoram Information Commission in RTI hrilhfiahna/kaihhruaina bu a siam set khat (bu thum) theuh leh Calendar pek a ni.

Vawiin RTI Awareness Campaign hi Pu LH Chawimawia, President, Vanbtawng Group YMA in a kaihruaia, Pu Sailianpuia Sailo, Secretary, Vantawng Group YMA in report pe in Pu B.Biakmuankima, Vice-President in lawmthu sawina hun hmangin hnu a khar a a ni.

Chief Information Commissioner hi zaninah Thenzawlah a riak ang a, naktuk March ni 11, 2016 hian Zote 'S' ah RTI Campaign a neih chhunzawm ang.

Source: DIPR, Serchhip