SERCHHIP DISTRICT-A NLUP LINE DEPARTMENT TEN NLUP HLAWHTLIN NAN KHAUH LEHZUALIN HMA LA DAWN


Serchhip, 9th July, 2014: Vawiin chawhnu dar 1:00 khan Pu Lawmkima, MCS, Nodal Officer, NLUP Serchhip District hovin Serchhip DC Meeting Room-ah Serchhip District chhunga NLUP chak lehzuala kalpui anih theih dan tur ngaihtuahin NLUP Line Department hotute an thukhawm.

Vawiin thutkhawm kaihruaitu Pu Lawmkima, MCS, Nodal Officer, NLUP Serchhip District chuan NLUP Serchhip District a a hlawhtlin lehzual theih nan nasa lehzuala tan lak a tul thu a sawi a; NLUP beneficiary-te vil zui kawngah pawh khauh lehzuala hma la tura inpuahchah anih thu sawiin Party nihna sawilova a thawk tha te chu chhunzawm tir zel an nih tur thu te, a thawktha duh lo leh nasa taka warning pek an nih hnu pawha tihngaihna awm ngang lo te chu eng ang mi pawh nise NLUP hotu lian te ruahmanna awm tawh sa ang a an hming thaichhiat anih bakah an intiamkamna ang ngeia an pawisa dawn te pawh rul let tur a thin vek an nih tawh dawn thu a sawi a, hma pawh lak tan mek anih thu a sawi bawk.

Line Department hotute pawhin NLUP dawngtute hmalak dan an endik mek dan te an sawi a, Agriculture Department hnuaia 2nd Phase NLUP beneficiary te hmalakna Department in a endikna kal mekah mi thenkhat hnathawk thalo hmuhchhuah an ni a, an zinga mi pali te chu tanpuina sum an dawn anihna tur anga an hman loh avang leh an hmalakna hmuh tur a awm loh hrim hrim avangin tihngaihna awm tawhlo ni a hriat an ni a, an intiamkamna ang ngei a an pawisa hmuh tawh te thin let an ni dawn a ni. Heng NLUP beneficiary, hma an lak duh loh avanga an pawisa dawn thin let tur te chu:
1) V.Biakenga s/o Sapchhawna (L), Serchhip-I (WRC-I Trade) – a ram a hralh a ni.
2) Kaphnuni d/o Lalnghinglova (L), Serchhip-I (WRC-I Trade) – a ram a hralh a ni.
3) Kapthanga s/o Lalmawia, Chhingchhip Venghlun, (WRC-II Trade) – ram neilovin mi ram a ta angin a kawk a, hma lakna pakhatmah a neilo.
4) Hmingthanzauva s/o Lalnghinglova, Chhingchhip Venghlun, (WRC-II Trade) – ram neilovin a nu ram a ta angin a kawk a, hma lakna pakhatmah a neilo, a nu hian NLUP a dawng ve thova a ramah hian hma a la. Hmingthanzauva hi a In dang tawh a an chengho lo.

Verification hi tihchhunzawm mek a ni a, Line Department dang te pawhin report siamfel turin hma an la mek a ni.

Line Department ten harsatna an sawi zingah NLUP dawng nawn an awm thin thu leh heng mite hian harsatna an siam thin thu an sawi a, Industry Department hnuaiah Chhiahtlang VCP Pu Hranglawta chuan NLUP a dawng nawn tih hmuhchhuah anih thu leh a trade thlan pakhat zawk atanga NLUP tanpuina a dawn te rul let tura thin mek anih thu report a ni a, tlem azawng chu a rulh let tawh thu leh a la bang pawh rul tura nawr mek anih thu tarlan ani bawk.

Sericulture Department hnuaia NLUP 2nd Phase beneficiary 123 te zinga 5 te chu an hmalak dan duhkhawp loh anih avangin an sum dawn leh tur hren sak rih an nih thu leh hma an lak that veleh a pek lehnghal tur an nih thu dawn ani bawk.

NLUP Nodal Officer chuan NLUP dawng theilo tur dawng an awm palh theih thu sawiin fimkhur taka Village-level NLUP Committee te nen tang tlang turin Line Department te a chah nawn a, a bik takin NLUP dawng nawn te, Chhungkaw pakhata member pakhat aia tam NLUP dawngte leh sawrkar hnathawk awmna chhungkua atanga NLUP dawng te an awm anih chuan rang taka hma la turin a chah a ni.

Source: DIPR, Serchhip