HEALTH & FAMILY WELFARE DEPARTMENT CHANGTU PRINCIPAL SECRETARY IN SERCHHI-A JN HOSPITAL TLAWH


Serchhip, 9th March, 2015: Pu Arun Goyal, IAS, Principal Secretary to the Govt of Mizoram, Health & Family Welfare Department chuan kar kalta Inrinni (March ni 7, 2015) khan zankhat riakin JN Hospital Serchhip a tlawh a, Serchhip Damdawi In building, thawktute dinhmun leh inrelbawlna hrang hrang te a enfiah a ni.

Pu Arun Goyal hi Serchhip Bawrhsap Pi Juhi Mukherjee, IAS, Dr. Laldawngliana Sailo, CMO, Serchhip District leh Dr. ZD Lalmuanawma, DMS ten an lo dawngsawng a, Pu Arun Goyal hian uluk taka Hospital hi fang kualin Hospital-a Section hrang hrangte a fang chhuak vek a, sawisel ngaite a sawisel bakah, hmasawnna tur hrang hrangte kawhhmuhin ruahmanna a siampui a ni. Hospital a tlawh zawh hian CMO Conference Hall-ah JN Hospital thawktute, CMO leh District Bawrhsap te nen inkawmhona hun an hmang nghal a, CMO leh DMS ten Powerpoint presentation-in Hospital leh thawktute dinhmun tlangpui leh mamawh zualte an lo thlen a ni.

Source: DIPR, Serchhip