SERCHHIPAH SENSITIZATION WORKSHOP ON UNIFIED PAYMENT INTERFACE (UPI) NEIH A NI


Dated Serchhip, the 9th February, 2017: Vawiin chawhma dar 10:30 hian District Sericulture Office, Central Silk Board (REC), Aizawl leh Mizoram Rural Bank, New Serchhip Branch tangkawp chuan Sericulture Beneficiaries/Stakeholders te hnenah, Cahless India Programme hnuai ami, “Unified Payment Interface” chungchang zirhona leh sawi hona, New Serchhip YMA Hall-ah an nei.

He hunah hian Pu V. Zothansanga, District Sericulture Officer, Serchhip chuan thu sawiin Ministry of Textiles, Govt. of India hnuaiah India ram pumah Sericulture Farmers/Stakeholders nuai 13 te hnenah Cashless Transaction chungchang zirtirna neihpui tur a ni a, chumi zulzui chuan Sericulture Department chuan Mizorama an mi leh sate chhungkaw 3880 hnenah hemi chungchang inhrilh hriatna hun hi Bank nena tangkawpin an neih mek thu a sawi a, Serchhip District bikah chuan chhungkaw 314 te hnenah zirtirna leh inhrilhhriatna hi neih tum a ni a ti a. Vawiina kalkhawm te mai bakah hian beneficiary dangte hnenah pawh he hun hi hmanpui zel tura hma lak mek anih thu a sawi.

He hunah hian Pu John Lalchhanhima Ralte, Manager, Mizoram Rural Bank New Serchhip chuan Unifeid Payment Interface (UPI) hnuaiah Bank Account pawimawhna te, tunlai thiamna hmanga Cashless transaction tih dante, mobile banking, mobile wallet, internet banking leh helam kaihhnawih chungchangahte zirtirna a pe a. Hei bakah hian Digital India leh Cashless India Programme kalpui mekte inhrilh hriatna hun hman a ni a.

UPI chungchang mai bakah Sericulture Department hma lakna ‘Integrated Muga Seed Development Project’ chungchangah beneficiary te hnenah zirtirna pek nghal niin Deparmenta thawktu mithiamten zirtirna hi an pe a ni.

Vawiina he hun hmanna ah hian Serchhip District chhunga khaw hrang hrang, Serchhip, Chhiahtlang, Chhingchhip, Hualtu, Khawlailung, Keitum leh Hmuntha atangin mi thahnem tak an tel ani.

Source: DIPR, Serchhip