SERCHHIP DISTRICT A KUT HNATHAWKTUTE NI HMAN DAN TUR REL A NI


Serchhip: 9th January, 2013: Vawiin chhun khan Serchhip D.C’s Meeting Room-ah Serchhip District Addl. D.C. Pu Lalsangliana, MCS hovin January 14th, 2013 (Thawhtanni)- a Kut Hnathawktute Ni hman dan tur ngaihtuahin NLUP Line Deptt. hrang hrang hotute leh NGO hruaitute an thukhawm.

Kut Hnathawktute Ni hi January ni 14, 2013 chawhma dar 11-ah Serchhip D.C Conference Hall-ah hmana ni dawn a, he hunah hian District Level Selection Committee-in NLUP beneficiary titha zual pathum a thlan chhuahte hnenah lawmman hlan a ni ang. He hun hi Home Minister Pu R.Lalzirliana leh Tuikum bialtu MLA Pu K.Lianzuala ten an hmanpui dawn a ni.

Kut hnathawktute Ni hmang tur hian NLUP lo dawng tawh leh dawng tura thlan te chu tel vek tura hriattir an ni a, Serchhip khawpui huamchhunga Sawrkar hnathawk Gazetted Officer te, Kohhran hruaitu te, NGO te leh Prominent citizen te pawh kim taka kal theuh tura sawm an ni a, programme hi video a full coverage tur niin mipuite thlir theih turin District chhung khaw hrang hrangah thawn chhuah a ni ang.


Source: DIPR, Serchhip