SERCHHIP DISTRICT-A MLA SEAT CHUH TUM TEN NOMINATIONAN FILE KIM TA


Serchhip the 8th November, 2013: Mizoram Legislative Assembly inthlanpui lo awm tura Serchhip District-a Assembly Constituency pathum 26-Serchhip(ST) Assembly Constituency, 27-Tuikum(ST) Assembly Constituency, 28-Hrangturzo(ST) Assembly Constituency a candidate tur te chuan vawiin khan nomination an file kim ta.

Indian National Congress hminga 26-Serchhip(ST) leh 28-Hrangturzo(ST) Assembly Constituency candidate Mizoram Chief Minister nilai Pu Lal Thanhawla chuan vawiin chawhnu dar 1:00 khan Serchhip Assembly Constituency chuh turin Returning Officer, Pi Juhi Mukherjee, IAS hnenah nomination file in thutiam a la nghal a; hemi zawh veleh hian Hrangturzo Assembly Constituency chuh turin Hrangturzo Assembly Constituency Returning Officer, Pu Lalsangliana, MCS hnenah Nomination file in thutiam a la nghal bawk a ni.

Indian National Congress hminga 27-Tuikum(ST) Assembly Constituency candidate Pu K.Lianzuala pawhin vawiin chawhma dar 11:10 khan Tuikum Assembly Constituency Returning Officer, Pu F.J. Liantluanga, MCS hnenah nomination file in thutiam a la nghal bawk a ni.

Independent a 26-Serchhip(ST) leh 28-Hrangturzo(ST) Assembly Constituency chuh tum Pu Lalawmpuia Renthlei, Serchhip Hmar Veng pawhin vawiin chhun dar 12:00 khan Hrangturzo Assembly Constituency chuh turin Hrangturzo Assembly Constituency Returning Officer, Pu Lalsangliana, MCS hnenah Nomination file in thutiam a la a; hemi zawh veleh hian Serchhip Assembly Constituency chuh turin Returning Officer, Pi Juhi Mukherjee, IAS hnenah nomination file in thutiam a la nghal bawk a ni.

Vawiina a nomination file hnuhnung ber chu Jai Mahabharat Party (JMP) hminga 28-Hrangturzo(ST) Assembly Constituency candidate Pu F. Remkhuma a ni a, ani hian Hrangturzo Assembly Constituency Returning Officer, Pu Lalsangliana, MCS hnenah Nomination file in thutiam a la a ni.

Candidate te nomination file theih hun hi vawiin chawhnu dar 3:00 khan a tawp a, tihian Serchhip District-a Assembly Constituency pathum 26-Serchhip(ST) Assembly Constituency, 27-Tuikum(ST) Assembly Constituency, 28-Hrangturzo(ST) Assembly Constituency te chuh tur hian candidate nomination file 12 an awm a, chungte chu :

ASSEMBLY CONSTITUENCY

CANDIDATE

PARTY

26 - SERCHHIP (ST) Lal Thanhawla INC
Lalramzauva MDA
PB Lalsawmliana ZNP
Lalawmpuia Renthlei Independent
27 - TUIKUM (ST) K. Lianzuala INC
Er. Lalrinawma MDA
P.C. Vanlalruata ZNP
28 - HRANGTURZO (ST) Lal Thanhawla INC
Lalthansanga MDA
H.Lalduhawma ZNP
Lalawmpuia Renthlei Independent
F. Remkhuma JMP
Nomination endik hna hi naktuk chawhma dar 11:00 ah neih a ni ang a, hemi zawh veleh hian candidate te chhinchhiahna hman tur (symbol allotment) ruahman fel nghal a ni ang.

Source: DIPR, Serchhip