NATIONAL LEVEL MONITORING TEAM TEN AGRICULTURE DEPARTMENT HNATHAWH AN TLAWH


Dated Serchhip, the 8th September, 2016: Vawiin hian India ramin buh leh bal hlawk zawk leh tam zawk tharchhuahna tur a sawrkar laipui ruahmanna National Food Security Mission (NFSM) hnuaia North East India huam chhunga endik hnathawktu National Level Monitoring Team ten Serchhip District Agriculture Deprtment hmalak mekte an endik.

NFSM hnuaia Serchhip District Agriculture Department ten Chekawn khua, Varhva Zauva Leilet neituten System of Rice Intensification (SRI) leh Line Transplanting Method (LTM) Technology hmanga Buh chi tha chi (Hybrid) an dawn an chinte chu National Monitoring Team ten a hmunah tlawhin an zirchiang.

National Food Security Mission (NFSM) Project hnuaia Mizoram Agriculture Department te hmalakna ah hian Serchhip District ah ram 71 hactares pek niin, vawiina National Level Monitoring Team ten an endik Chekawn Varhva Zau a mi hi ram 2 hactres a zau a ni a, heta an buh chinte hi a hlawhtlingin an titha thawkhat hle tih an sawi. He Scheme hnuaia buh chin mekte hi midangte entawn atana tih anih avangin uluk takin Department mithiamten an vil renga, a tul angin thurawn leh hnathawh dan tur an hrilh reng a ni.

Vawiin a NFSM hnuaia Serchhip District Agriculture Department te hmalakna rawn endiktu National Level Monitoring Team hi Team Leader ,Dr K Monoharan, Director, Directorate of Jute, Ministry of Agriculture te, Dr Anup Das, Principal Scientist, Indian Council of Agriculture Research(ICAR) leh Dr K Noun Singh, Associate Professor, Central Agriculture University te an ni.

National Level Monitoring Team te hi Dr C. Lalzarliana, Director, Agriculture Department (Crop Husbandry) leh Serchhip District Agriculture Officer Pu James Lalsiamliana leh a thawhpuite an ni a, Chekawn khua a Leilet neitute leh khawtlang hruaituten an tawiawm a ni.

National Level Monitoring Team te hian vawiin vek khan Champhai District Agriculture Department ten NFSM hnuaia hma an lakna te endik chunzawm turin Champhai an pan leh nghal a ni.

Source: DIPR, Serchhip