GOVERNOR IN INTHLANNI SAWRKAR CHAWLH AH A PUANG


Serchhip, 8th April, 2014: Election Commission of India thupek (Letter No. 464/MIZ-HP/2014(B&R) dated 7th April, 2014) ang a Mizoram (ST) Parliamentary Constituency inthlanna neih ni tur April ni 9 chu April ni 11 ah sawn a lo nih tak avangin Mizoram Governor Pu Vakkom Purushothaman chuan April ni 9, 2014 sawrkar chawlha a lo puan tawh chu sut leh a ni a; hemi ni hian zirna in zawng zawng leh sawrkar pisa te pawh a ngai anga kalvek tur a ni.

Hetih rual hian Representation of the People Act, 1951 Section 135B-in thuneihna a pek angin Mizoram Governor chuan April ni 11, 2014 chu mipuiten LokSabha inthlan leh Hrangturzo Assembly bye-election a vote an thlak theih nan sawrkar chawlhni ah a puang nghal a, engemaw avanga inthlan ṭhat ngai (re-poll) a awm chuan April 14-ah inthlan ṭhatna neih nghal a ni ang a, hetiang thil hi a thleng anih chuan inthlan ṭhat a ngaihna polling station huam chin tan chawlh puan a ni ang.

Source: DIPR, Serchhip