SERCHHIP DISTRICT-A COMMON SERVICE CENTRE TEN 2016 CHHUNGIN LEHKHA PAWIMAWH 2220 SIAM SAK TAWH


Dated Serchhip, the 7th November, 2016: Kumin 1.4.2016 atanga 25.10.2016 inkar chhunga Serchhip District-a Common Services Centre (CSC) 15 ten mipuite mamawh lehkha pawimawh hrang hrang an siam sak tawh zat chu 2220 a tling.

Mizoram State e-Governance Society hotuten, Dt 4.11.2016 –a Serchhip DC Conference Hall a, Serchhip District in tangkai lehzuala Information Technology a hman dan tur sawihonaah he thu hi sawiin khi mi hun chhunga Serchhip District a Common Services Centre hrang hrang atanga sawrkar hriatpuina lehkha pawimawh heng; Income Certificates, Permanent Residential Certificates, Residential Certificates leh Tribal Certificates te dilna hi 2662 zet a ni a. Amaherawh chu Document thil tel ngai leh dilna form fill-up kim tawk loh avanga dilna hnawl sak hi 442 zet an awm thung a ni.

Tunah hian Serchhip District chhungah Common Services Centre (CSC) hi 15 an awm meka, an zinga 2 hi Serchhip khaw chhung a mi niin a dang zawngte hi khaw hrang hrangah an awm darh thung. Heng Common Services Centre te hian mipuite mamawh sawrkar hriatpuina lehkha pawimawh hrang hrangte District Capital a kal kher ngai lovin an lo buaipui sak thin a. Thingtlang mipuite tan nasa takin awlsamna a thlen mek a ni. Hetihlai hian Serchhip District chhungah Common Service Centre 38 zinga CSC 15 chauhte hian tun dinhmunah that akin hna an kalpui a, la kalpui mumal lo an la tam rih hle a ni. Heng CSC te hi kalpui ngei ngei tura phut theihna dan a awm chiahlo nain mipuite mamawhna hriain a neitute (VLE) hian kalpui hlawm thei se a duhawm hle a ni.

Dr. Lalthlamuana, Chief Informatic Officer, Department of Information and Communication Technology, Government of Mizoram in a sawi danin, tunah hian Common Services Centre version 2 kan kalpui mek a. He mi hnuaiah hi chuan mi tupawh, mahnia Computer, Printer leh mamawh dang intum theite chu Centre (VLE) atana thlan/thawhpui thei vek an ni tawh a. Tunah hian dilna pawh hawn mek a ni, Serchhip District chhunga khaw hrang hranga a ti thei turte chuan ngaihven se a duh thu a sawi nghe nghe a ni.

Source: DIPR, Serchhip