SERCHHIP-AH REPUBLIC DAY 2016 HMAN DAN TUR REL A NI


Serchhip, 7th January, 2015 : Vawiin chawhma dar 11:00 khan Dr. Lalrozama, IAS, Deputy Commissioner kaihhruaiin DC’s Meeting Room-ah Serchhip a Department hrang hrang leh tlawmngai pawl hrang hrang aiawhte Republic Day, 2015 Serchhip-a hman dan tur ngaihtuahin an thukhawm.

Serchhip-a Republic Day lawmna inkhawm hi Khawtetlang Playground a neih tura ruahman a ni a, January ni 26, 2015 chawhma dar 11:00 ah tan a ni ang a, District Bawrhsap Dr. Lalrozama, IAS chu khuallian a ni ang.

Republic Day zing ni chhuah rualin Sawrkar pisa zawng zawngah India Hnam Puanzar khai vek tur a ni a, January ni 26, 2016 (Thawhlehni) ah JNM Hospital (Poor Fund), Salvation Army Old Age Home, Adult Rehabilitation Centre, Shalom Special School, Zoar Rescue Home leh Unity Orphanage Home ah te Republic Day lawmna thilpek sem a ni ang. Republic Day lawmna ah hian Parade Contingent 16 ( Armed – 3, Unarmed – 13) tel tura beiseiin, lawmman sem ani ang a. Republic Day lawm tura kal naupang ho zawng zawng hnenah chithlum sem a ni ang a, mi pawimawh sawm bik te pualin chhun dar 12:00 ah DC BungalowKhawtetlangah Bawrhsap huaihawtin “at Home” neih ani bawk ang.

Source: DIPR, Serchhip