SERCHHIP-AH NLUP HNUAIA PANGANG VULH THLANGTUTE TAN ṬANPUINA SEM A NI


Serchhip, the 6th September, 2013: Vawiin chawhma dar 10:00 khan District Sericulture office, Serchhipah NLUP 3rd phase leh 4th phase hnuaia pangang vulh thlangtute tan ṭanpuina first installment pek chhuah a ni. He hunah hian pangang vulh thlangtu kalkhawmte chu department mithiam ten zirtirna pein an hna thawh dan tur ruahmanna leh ṭanpuina an dawnte an hmanna tur sum ṭhen hran dante kawhhmuha zirtir an ni bawk.

He huna lo kal pangang vulh thlangtute hi 3rd phase atan chhungkaw 18 leh 4th phase atan chhungkaw 4 an ni a, ṭanpuina pawisa cheng 10000/- ṭheuh an bank account-ah thunsak an ni a, he pawisa an dawn hi lo vah nan leh an hnathawhna tur hmunhma buatsaihna (land preparation) atana pek an ni.

Source: DIPR, Serchhip