FIRE PREVENTION WEEK 2017 HAWNNA NEIH A NI


Dated Serchhip, the 6th February, 2017: Vawiin chawhnu dar 1:00 khan Serchhip DC Conference Hall-ah Serchhip District Fire Prevention Week, 2017 chu District Bawrhsap Dr.Larozama, IAS in a hawng.

Khuallian Dr. Lalrozama, Serchhip District Fire Prevention Committee Chairman leh District Bawrhsap ni bawk chuan hawnna thusawiin, Serchhip District chhungah kum kalta chhunga kangmei venna kawnga hmalakna te fakawm a tih thu sawiin, lawmthu a sawi a, ram tih kanin a nghawng turte hrethiam tur hian mithiam nih kher a ngaihloh thu leh kan zavaia hmakhua atana thil tul a ni tih hria a, ram ti kang lo tura tanrual a tul a, mei lam sial uluk turte leh mei lu khai uluk turin District chhung mipuite chu a chah, ram tikangtu chu Dan anga hremna pek an nih zel dawn thu a sawi bawk.

He hunah hian Serchhip Joint Village Council President Pu C.R. Dothanga leh Pu R. Sanghmingthanga, President Sub-Hqrs. YMA Serchhip te pawhin thusawiin, ram tikang lo tura VC leh YMA te nena tanrual a tul an tih thu an sawi bawk.

District Fire Prevention Week, 2017 hawnna inkhawm hi Pu C. Lalhminghlua, President MJA Serchhip District in a kaihhruai a, Serchhip District chhunga sawrkar deprtment hrang hrang Officerte, loneitute, tlawmngai pawl hruaitute leh thuthar thehdarhtute an tel tha hle a ni.

Source: DIPR, Serchhip