SERCHHIP-AH LARSAP HMUAH DAN TUR REL


Serchhip, 5th Novenber, 2015: Karleh a Serchhip tlawh tur Mizoram Larsap Lt. Gen. Nirbhay Sharma hmuah dan tur leh lo dawnsawn dan tur ngaihtuahin vawiin chawhma dar 10:00 khan Serchhip D.C’s Meeting Room-ah District Bawrhsap Dr. Lalrozama, IAS hovin Serchhip-a Sawrkar Department hrang hrang hotute leh Tlawmngai Pawl hrang hrang hruaitute an thukhawm.

Larsap-in Serchhip a tlawh hunah Department Head te leh Khawtlang hruaituten kimchang taka hmuah tur a ni ang a, Larsap hova inkawmhona hun DC Office ah neih tura rel niin, Department tin ten an hnathawh, hmalakna leh hmachhawpte Larsap hrilh hriat zung zung anih theih nan DC Office ah thehkhawm vek tur a ni ang. Hei bakah hian a remchan dan angin hmasawnna hnathawh (Department works) langsar zualte a hmuna Larsap-in a enchian theih nan field visit neihpui tum a ni bawk.

Larsap-in Serchhip a tlawh ni tur tak hi la tihfel loh a ni a, Governor's Office lamin an tihchian hun ngaihchan a ni ang.

Source: DIPR, Serchhip