SERCHHIP DISTRICT BAWRHSAP THUCHHUAH


Serchhip, 4th December, 2015 : Serchhip District Bawrhsap Dr. Lalrozama, IAS chuan thuchhuah siamin, tunlaiin Mizoram hmun hrang hrangah Saza pul hri a leng nasa tih hriat niin hmun thenkhatah Saza thi chhar a ni thin a. He natna hi mihring tan pawh hlauhawm thei anih avangin Serchhip District chhunga Village Council hrang hrangah hetiang Saza thi emaw natna vei emaw avanga Saza damlo hmu an awm anih chuan, Deputy Commissioner, Serchhip, SDO (C) Thenzawl, SDO (C) N. Vanlaiphai, BDO E. Lungdar, DFO N. Vanlaiphai, DFO Thenzawl, Range Officer, Forest Serchhipah te, a remchang ber hnenah a rang thei anga hriattir thuai turin mipuite a ngen a, mipui kan lo him tlan zawk nan Saza thi sa hi khawih pawh khawih lo turin mipuite a hriattir bawk a ni.

Source: DIPR, Serchhip