SERCHHIP-AH EVACUATION DRILL HLAWHTLING TAKA NEIH A NI


Serchhip, 4th April, 2014: National Disaster Management Authority leh Geo-Hazard International tangkawpin Kum 1905 a Kangra, Himachal Pradesh a lirnghing rapthlak tak hriatrengna atana School Safety Preparedness Drill an buatsaih bawhzuiin National School Safety Program (NSSP), Serchhip District chuan serchhip khawpui chhunga Zirna In 10 ah lirnghing a lo thlen huna chi-ai lova chetlak dan tur “Evacuation Drill” an nei.

“Evacuation Drill” hi chawhma dar 11:00 ah a rualin heng School – Elite Middle School, New Serchhip; Govt. Middle School, New Serchhip; Govt. PCR High School, Serchhip; Govt. Ramlai Middle School, Serchhip; Marian High School, Serchhip; All Saints Middle School, New Serchhip; Chanmari Middle School, Serchhip; Little Flower Convent School, Serchhip; Govt. Midland Middle School, Serchhip; Govt. J.M. High School, Serchhip ah te hian neih a ni a, NSSP kaltlangin Serchhip District chhunga School 150 thlanchhuah ten Disaster Management Plan mumal tak hlawhtling takin an kalpui mek a ni.

School Safety Preparedness Drill hi kum 1905 April ni 4 a mi 20,000 chuang nunna suattu Kangra lirnghing (7.8 richter scale) hriatrengna atan leh hetiang chhiatrupna lo hmachhawn thei tura inbuatsaihna tha zawk neih anih theih nan ruahman a ni a, India ram hmun hrang hrang ah a rualin he hun hi hman a ni.

Source: DIPR, Serchhip