AH & VETY IN HUALTU-AH FREE ANIMAL HEALTH CAMP BUATSAIH


Serchhip, 3rd March, 2016 : Vawiin khan Dr. Lalnghinglova, DVO, Serchhip hovin AH&Vety Department, Serchhip District chuan Community Hall, Hualtu-ah Awareness Campaign – cum - Animal Health Camp a buatsaih a, Awareness Campaign – cum - Animal Health Camp hi hun hnih ah then niin chawhma lamah ran enkawl dan chungchang inzirtirna hun (awareness campaign) hman a ni a; he hun hi Pu C.Biakchhawna, Junior Vety Extension Officer chuan kaihruaiin Dr. Biaklianzuali, V.O., Chhingchhip in Vawk leh Kel vulh leh enkawl dan zirtirna a pe a, Dr. Lalsanglien Ralsun, V.O., Serchhip hnen atangin Bawng leh Ar vulh dan tur dik zirtirna ngaihthlak niin hriatthiamloh inzawhfiahna hun hman a ni bawk. Khawtlang mipuiin he hun hi an hlut hle a, Khawtlang hruaitute pawhin AH&Vety Department, Serchhip District-in hetiang hun a buatsaihsak hi an lawmthu an sawi a ni.

Chawhnu lamah a thlawna ran entirna hun buatsaih niin ran damdawi leh ran enkawl dan zirtirna bu a thlawnin sem a ni a, ran tamtak entir niin zai ngai te pawh zai nghal an ni a, ran pul hri danna a chiu (mass vaccination) beihpui thlak nghal a ni bawk.



Source: DIPR, Serchhip