SERCHHIP DISTRICT AH “NATIONAL ELECTORAL ROLL PURIFICATION AND AUTHENTIFICATION PROGRAMME” KALPUI TAN A NI


Serchhip, 3rd March, 2015: Election Commission of India in Electoral Roll dik leh felfai zawk neih anih theihna tur atana thupek a chhuah angin vawiin chhun dar 12:00 khan Serchhip District Election Officer, Pi Juhi Mukherjee, IAS chuan a pisa ah “National Electoral Roll Purification and Authentification Programme (NERPAP)” chu Serchhip District a kalpui turin a hawng.

NERPAP hnuaiah hian Aadhar number nei tawh Electoral Roll a chuang te chu Electoral Roll nen thlun zawm tur an ni a, Electoral Roll a hming emaw, nihna diklo leh thlalak dik lo te pawh awlsam zawka siam that theih a ni dawn a ni.

Khua /Veng tinah Booth Awareness Group din ani bawk ang a, Tlawmngai Pawl (NGO) hrang hrang te, political party hrang hrang te, School leh College te, NYK Volunteers te nen Systematic Voters’ Education and Electoral Participation (SVEEP) Campaign anga kalpui tur a ni a, hemi atan hian ERO, AERO, BLO leh Election department hnuaia thawktu zawng zawngte chu training pek vek an ni dawn a, Serchhip District a NERPAP hnuaia special campaign hmasa ber chu April ni 12, 2015 hian neih tura ruahman a ni.

Source: DIPR, Serchhip