SERCHHIPAH TRAINING OF LOCAL YOUTH FOR RECUITMENT INTO INDIAN ARMY/PARAMILITARY FORCE NEIH A NI


Serchhip, 2nd December, 2015 : Vawiin chawhma Dar 11 khan BNRGSK Hall, Serchhip P&E Veng ah Training of Local Youth for Recuitment into Indian Army/Paramilitary Force neih a ni.

He hun hi Pu MS Dawngkima, Addl. SP Serchhipin a kaihhruai a, Khuallian Pu Lalringdika, MPS, Superintendent of Police, Serchhip chuan thusawiin Sipaia tan hi zirlai leh zirlai ni tawh lemlote tan pawh eizawnna tha tak anih bak ah, ram leh hnam tan inpekna nasa tak a ni a ti a. Army mai nilovin Para-military force hrang hrang- BSF, CRPF, ITBP ah te tan theih ani a, hetianga lut tura inhrilhfiahna hun remchang tak mai vawiina kan nei thei hi a lawmawm em em a ni a ti. Sipaia tang turin Constable mai ni lovin Commisioner-ah pawh a luh theih a; chutiang atan chuan zirlaite leh zir kher lo pawhin hun remchang kan nei thei vek ani a ti.

Resourse Persion Dr. Lalchhanhima Pachuau, BSF chuan zirtirna a pein, Sipaia luh dan leh Sipaia lut tura lo inbuatsaih na tur te a sawi a, Resourse persion dang, Major R.S Bist, 10 Assam Rifle chuan Sipaia luh dan kawng leh nih theih dan kawngte Projector hmangin a zirtira pein Video clip hmanga entirin, Major Carolin Pachuau, Indian Army pawh in Hmeichhiate tan Sipaia luh theih dan leh Sipaite tana hamthatna hrang hrangte a sawi bawk a ni.

Trainingte tan hian 10 Assam Rifles ten an ralthuam an pho chhuahte chu an enpui a, he hun hi Pu Lalchhuanawma, MPS, SDPO, Serchhip chuan lawmthu sawiin a khar a ni.

Source: DIPR, Serchhip