PHE DEPARTMENT IN EAST LUNGDAR WATSAN SUB-DIVISION AH FAINA BEIHPUI THLAK


Serchhip, 2nd October, 2015 : National Sanitation Campaign (25th September, 2015 – 31st October, 2015) hmalakna kal zelah East Lungdar WATSAN Sub-Division, PHE Department buatsaihin tukin khan khawtlang huap Faina Rally/Kawngzawh neih a ni a, East Lungdar a Sikul naupang te bakah khawtual mipui leh Sawrkar hnathawk thahnem tak an thawkchhuak a ni.

National Sanitation Campaign hi September ni 25, 2015 khan East Lungdara Thangburha Hall-ah hawn lo ni tawhin heath hian sawrkar hnathawk bakah, kohhran hrang hrang hruaitute, khawtual mipui bakah Village Council hotute an tel tha hle a, ruahman dan chuan Khawlailung leh Mualchengah khawtlang huap Sanitation Campaign Programme hman thuai tur a ni a, October ni 15 hi “Hand Washing Day” anih angin East Lungdar WATSAN Sub-Division huamchhung khaw hrang hranga Zirna In ah te kut silfai dan dik zirtirna PHED, east Lungdar ten an kalpui ang a, he Sanitation Campaign hi October ni 31 hian khar a ni ang.

National Sanitation Campaign hi Sawrkar Laipuia Ministry of Drinking Water & Sanitation huaihawt niin hetah hian mi tupawh Sawrkar hnathawk, political party mi leh sa, kohhran, zirlai, mipui vantlang etc. an leng vek a, Mizoramah chuan PHED hi Nodal department an nih angin a bultum tu ah an tang a ni.

Source: DIPR, Serchhip