STATE LEVEL ESSAY WRITING COMPETITON FOR SCHOOL & COLLEGE A TITHA LAWMMAN HLANNA NEIH A NI


Dated Serchhip, the 2nd February, 2017: Vawiin chhawhnu dar 1:00 khan Serchhip District Court Conference Hall-ah College leh School zirlai naupangte tana inelna State Level Essay Writing Competition-a ti thate hnenah lawmman hlanna Serchhip District Legal Service Authority buatsaihin neih a ni.

Essay inziah siak lawmman hlanna inkhawm hi Pu Lalngaihmawia Zote,MJS, Secretary, Serchhip District Legal Services Authority in a kaihhruai a, khuallian Pu VL Remliana MCS, Project Director, DRDA Serchhip chuan thu sawiin, zirlai naupang kalkhawmte chu zirnaa taimakna taka beitute tan hlawhtlinna a awm thu leh mihringte chu a tha zawnga inthlak danglam chho zel tur kan nih thu a sawi a, he Essay Competition buatsaih anih chhan ber chu khawtlang tana mitha chherchhuah nan a ni a ti.

Serchhip atanga State Level Essay Writing Competition lawmman pakhatna la tute chu :

College Level-ah thupui “If you could start a charity” tih niin lawmman pakhatna Ruthi Lalnunsangi Govt.Serchhip College in la in, High School Level-ah thupui “Who are your most influential people and why” tih niin lawmman pakhatna Cynthia Zomuanpuii, Marian High School Serchhipin a la a, Middle School Level-ah thupui “The type of the person you want to be” tih niin R. Lalchhantluanga, Little Flower Convent School, Serchhip chuan lawmman pakhatna la in, heng lawmman pakhatna latute hian Certificate leh pawisa fai Rs.10000 theuh an dawng a, Primary Level ah thupui “The things that your parents special” tih niin C.V. Lalrinmawia, Chawngbuangi Memeorial School Serchhip in lawmman pahnihna a la in Certificate leh pawisafai Rs.7000 a dawng bawk.

Source: DIPR, Serchhip