SERCHHIP-AH HIGH SCHOOL ZIRTIRTUTE TAN "SENSITIZATION WORKSHOP ON BASIC SCIENCES" NEIH A NI


Serchhip, 2nd February, 2016 : Directorate of Science & Technology buatsaihin vawiin nileng khan Serchhip Hmar Veng YMA Hall-ah High School-a Science subject zirtirtute tan "Sensitization Workshop on Basic Sciences" neih a ni.

Vawiin Workshop hi Pu F.Lalramchuana, Scientific Officer, Directorate of Science & Technology chuan kaihhruaiin Science subject zirtirtuten basic sciences ah hma an sawn belh a an chian lehzual theih nan workshop hi buatsaih anih thu a sawi a, Pu Zohmingthanga, DEO, Serchhip pawhin he hun hi hmanpuiin zirtirtute chu rilru pe tak leh hlawkna thar chhar ngei tura a duhsak thu a sawi a ni.

Vawiin Workshop hi session thumah then a ni a, resource person pathum awmin then khatna ah Pu Lalhmingliana Hnamte, Associate Professor, Department of Chemistry, Government Zirtiri Residential Science College-in "Basic Concept of Chemistry" ah zirtirna a pe a, then hnihna ah Pu Lalrintluanga Sailo, Assistant Professor, Department of Physics, Government Serchhip College in "Basic Concept of Physics" zirtirin then thumna ah Pu S. Beihrosa Assistant Professor, Department of Zoology, Government Serchhip College in "Basic Concept of Life Sciences" a zirtir thung a ni.

Vawiin Workshop ah hian Serchhip, Thenzawl, Keitum, Chhingchhip leh Chhiahtlanga High School Science Teacher-te an tel a, hetiang Workshop hi Aizawlah neih tawh niin Lungleiah neih leh thuai tum a ni a, Mizoram chhunga District tinah la buatsaih tum a ni bawk.

Source: DIPR, Serchhip