SERCHHIPAH INDEPENDENCE DAY 2016 HMAN DAN TUR REL


Dated Serchhip, the 1st August, 2016: Vawiin chawhnu hian Serchhip DC Conference Hall ah Bawrhsap Dr. Lalrozama, IAS kaihhruaiin kumin Independence Day, August ni 15 a lo awm tur lawm dan tur relin an thukhawm.

Chairman Dr. Lalrozama chuan, India ramin zalenna a hmuh champha lo thleng tur lawmnaah Serchhip a khuallian turin Minister of Food, Civil Supplies and Consumers Affair Pu John Rotluangliana beisei a nih thu sawiin, he ni hi hlawhtling taka hman a nih theih nana mawhphurhna kan insem te tha taka hlen vek tum turin kalkhawm te a ngen a ni.

Ruahman ang chuan he ni hi Khawtetlang a DC Playground ah zing dar 10:30 ah hman tur ani ang a, chhun dar 12:30 ah VIP's at Home Tea Party, DC Bungalow tualah neih a ni bawk ang. Independence Day pual hian tunah Football Tournament kalpui mek a ni a, lawmman te chu a lawmna inkhawmah khuallian in a sem dawn a ni. Tin, he ni pual hian Home hrang hrangah thilpek hlan an ni bawk ang.

He ni hlawhtling taka hman a nih theih nana tih tur pawimawh leh mawhphurna hrang hrangte chu Department hrang hrangte, School leh Police te, tlawmngaipawl leh mimal hnenah a tul anga sem darh a ni.

He meetingah Department zawng zawng aiawhte, Chanchanbumi aiawhte leh tlawmngaipawl aiawhte an tel a ni.

Source: DIPR, Serchhip